Popular Bible Verses from MARKO 5

Share

Yesu bi ye kĩ, “Yĩ obitsole, nɔ katɛkado fɔ̃ ɔsaɛ. Naa nɛ lukudɔ kamɛ. Nɔ lubo kamɔ a lɛláabuki lɛya nɛ nɔ akũ dadaada.”

Otsole odi kĩ babɔanɛ kawula nɛ ye akũ futeli ewua-nviã flee mɔ lubo kamɔ paa, titɔ kĩ bawanɛ kadã ye a malo na nɛ be kamɛ. Ebula sika flee kade nɛ fɔsɔ kĩĩ katsa akũ, lɛmɛ fɔsɔ a tádɔ ye, mbom kade fɔkade nɛ ode.

Kĩ ɛta Yesu atadiɛ a, ade akũ fɔ̃ ye kawula deedimɔapɛ a. Ɛmɔ́ eyi ɔsũ nɛ ye kamɛ kĩ ɛsaɛ ade ɛnɛ nɛ ye lubo kamɔ kamɛ a.

Yesu pi ye nɛ kɔkpɔ ade ebi ye kĩ, “Talita koumu!” Foe kayɔ nɛ tide a kamɛ nyɛ kĩ, “Kayitsɔ̃bi kabii, mabi nɔ kĩ yidza!”

Lɔkɔ a kĩ Yesu kalɛ fukĩĩ a, batɔ to Yairo awã bɛyabi ye kĩ, “Nɔ obi a ku kɔkɔɛ. Nde sũ obuki aha fɔtsa ɔtsanɛ kĩĩ?” Yesu tátse be kalɛ a, mbom ebi Yairo kĩ, “Tavila, nɔ kɔ̃ tɛ kado.”

Ɛlɛ foe lɔmɔ kitonɛkĩ enu kĩ Yesu kalɛ kĩ, “Hũhũ kpa, nɛ́ nɛ oti kĩĩ kamɛ!” Yesu via ye kĩ, “Nde bavɛ nɔ?” Awã naa ɛlɛ kĩ, “Bavɛ yĩ lidede, kitonɛkĩ boe a kĩ budeĩ nɛ onyole kĩĩ kamɛ a bɔpɔnɛ!”