Popular Bible Verses from Luka 3

Share

Zan ye mɔgɔw bɛɛ batize, ka Yezu fana batize. Ka Yezu to Aladali la, sankolo dayɛlɛla, Nii Senuman y'a yɛrɛ kɛ i n'a fɔ jɛnɛtuba, ka jigi a kan. Kumakan dɔ bɔra sankolo la ko: «I ye ne Dencɛ kanunin ye, i koo ka di ne ye haali.»

O la, Zan y'a fɔ u bɛɛ ye ko: «Ne b'aw batize ni jii ye, nga min bena na ne kɔ, o ka sebagaya ka bon ni ne ta ye. K'a ka sanbara juru foni, ne kuun ka dɔgɔ o ma. Ale bena aw batize ni Nii Senuman ni tasuma ye.

Aw ka kɛwaliɲumanw kɛ k'a yira ko aw nimisara ka faran aw ka kojuguw la. Aw kana miiri ko Ala bena aw kisi bari Ibrayima ye aw faa ye. Ne b'a fɔ aw ye ko Ala be se ka kabakuru nunu yɛlɛma k'u kɛ Ibrayima deenw ye.

Jende labɛnna ka ban yiriw tigɛ kama. Yiri o yiri te denɲuman kɛ, o bɛɛ bena tigɛ ka fili tasuma na.»

O kɛra i n'a fɔ kira Ezayi tun y'a sɛbɛn a ka kitabu kɔnɔ cogo min na ko: «Mɔgɔ dɔ be pɛrɛnna kongokolon kɔnɔ ko: ‹Aw ka Matigi ka sira dilan, aw k'a ka tɛmɛyɔrɔw tilen. Dingɛw bɛɛ bena fa, kuluw ni tintinw bɛɛ bena ci ka dakɛɲɛ. Tɛmɛyɔrɔ gɔngɔrɔninw bena tilen, sirajuguw bena dilan. Ala be adamadenw kisi cogo min na, bɛɛ bena o ye.› »