Popular Bible Verses from Luka 6

Share

Aw ka tɔw sɔn, Ala bena aw sɔn. A bena minan ɲanaman ta k'aw ta suma k'a digidigi k'a yuguyugu k'a fa fɔɔ a ka bɔn, k'o yɛlɛma aw ka fani daa la. Bari aw be tɔw ta suma ni sumanikɛfɛn min ye, a bena aw ta suma n'o le ye.»

Mɔgɔɲuman be fɛnɲuman bɔ nafoloɲuman na min b'a dusu la. Mɔgɔjugu be fɛnjugu bɔ a ka nafolojugu la. Mɔgɔ dusu fanin be fɛɛn min na, a daa b'o le fɔ.

Nga, aw k'aw juguw kanu ka koɲuman kɛ u ye. Aw ka juru don mɔgɔw la, ka ɲinɛ o kɔ. O la, aw bena tɔnɔba sɔrɔ. Aw bena kɛ Fɛɛn bɛɛ kuntigi deenw ye, bari, ale be ɲuman kɛ ɲumanlɔnbaliw ni mɔgɔjuguw ye.

Aw ka makari mɔgɔw la i n'a fɔ aw Faa be makari cogo min na.

«Aw kana tɔw kiti, Ala tena aw kiti. Aw kana tɔw jalaki, Ala tena aw jalaki. Aw ka yafa tɔw ma, Ala bena yafa aw ma.

«Ayiwa aw minw be n lamɛnna, ne b'a fɔ aw ye ko aw k'aw juguw kanu, ka koɲuman kɛ aw kɔniyabagaw ye. Aw ka duba kɛ aw dangabagaw ye, ka Ala daali aw tɔɔrɔbagaw ye.

Aw b'a fɛ mɔgɔ tɔw ka koo min kɛ aw ye, aw k'o ɲɔgɔn kɛ u ye.

Ni mɔgɔ dɔ y'i tulo kelen ci, i ka tɔ kelen nin sin a ma fana. Ni dɔ y'i ka foroca bɔsi i la, i kan'a bali k'i ka deleke fana ta. Ni mɔgɔ o mɔgɔ ye fɛɛn dɔ daali i fɛ, i k'o d'a ma. Ni mɔgɔ dɔ y'i ka fɛɛn dɔ minɛ i fɛ, i kan'a koo ɲininga.

«Yiriɲuman si te denjugu kɛ, yirijugu si fana te denɲuman kɛ.

Yiri bɛɛ be lɔn a deen fɛ. Toro te bɔ ŋɔniyiri kan, *ɛrɛzɛn fana te bɔ sɛgɛnɛyiri kan.