Popular Bible Verses from Luka 9

Share

O kɔ, a y'a fɔ jama ye ko: «Ni mɔgɔ min b'a fɛ ka tugu ne kɔ, o tigi kana miiri a yɛrɛ ka nafa la. A k'a yɛrɛ gwengwenlɔgɔ ɲun loon o loon ka tugu ne kɔ.

Mɔgɔ o mɔgɔ b'a fɛ k'a nii kisi, o tigi bena bɔnɔ a la. Nga ni mɔgɔ min bɔnɔna a nii la ne kosɔn, o tigi ben'a nii kisi.

Yezu y'a jaabi ko: «Mɔgɔ o mɔgɔ be misidaba minɛ ko a be sɛnɛ kɛ, n'a be filɛli kɛ a kɔfɛ, o tigi man kan ni Ala ka masaya ye.»

A be mun ɲa mɔgɔ ye ka diɲɛ fɛɛn bɛɛ sɔrɔ n'a bɔnɔna a nii la, walima n'a yɛrɛ halakira?

Ni mɔgɔ min maloyara, a ma sɔn ne ni n ka kuma ma, Mɔgɔ Dencɛ mana na tuma min na a ka sebagaya la, n'a Faa ta, ani mɛlɛkɛ senumanw ta la, a fana tena sɔn o tigi ma.

Yezu y'a fɔ a ye ko: «Dingɛ be kongowuluw fɛ, ɲaga be kɔnɔw fɛ, nga layɔrɔ te Mɔgɔ Dencɛ tɔgɔ la.»

k'a fɔ u ye ko: «Ni mɔgɔ min ye nin denmisɛn ɲɔgɔn minɛ ka ɲa ne kosɔn, o tigi ye ne le minɛ ka ɲa. Mɔgɔ min ye ne minɛ ka ɲa, o tigi ye ne cibaga le minɛ ka ɲa. Aw te mɔgɔ min jati aw cɛma, o tigi le ye mɔgɔbaba ye.»