Popular Bible Verses from Mar 9

Share

Yezu y'a fɔ a ye ko: «Mun na i ko: ‹N'i be se›? Ni mɔgɔ min lara Ala la, Ala be se ka fɛɛn bɛɛ kɛ o tigi ye.»

O yɔrɔnin bɛɛ, kanbelen nin faa pɛrɛnna ko: «Ne lara Ala la. Ne dɛmɛ janko ne kana sigasiga.»

Yezu tagara soo tuma min na, k'a to n'a ka kalandenw ye u danna, u y'a ɲininga ko: «Mun na anw ma se ka jina nin gwɛn?» A y'u jaabi ko: «Mɔgɔ te se ka jina nin ɲɔgɔn gwɛn cogo si la n'a ma Ala daali.»

«Kɔgɔ ye fɛnɲuman ye, nga n'a ka timiya bɔra a la, aw ben'a timiya ni mun ye? Aw ka kɔgɔ dɔn aw yɛrɛ la, ka to hɛrɛ la aw ni ɲɔgɔ cɛ.»

«Ni mɔgɔ min ye denmisɛn nin ɲɔgɔn minɛ ka ɲa ne kosɔn, o tigi ye ne le minɛ ka ɲa. Mɔgɔ min ye ne minɛ ka ɲa, o tigi ma o kɛ ne ye, nga a ye ne cibaga le minɛ ka ɲa.»

Mɔgɔ o mɔgɔ mana filen ɲaa kelen jii minta d'aw ma bari aw ye ne ta ye, tiɲɛ na, ne b'a fɔ aw ye k'o tigi tena bɔnɔ o tɔnɔ na.

«Denmisɛn minw ye lanaya sɔrɔ, ni mɔgɔ dɔ kɛra sababu ye k'olu dɔ kunna cɛn, yanni a tigi k'o kɛ, ni kabakuru belebeleba tun sirila a kaan na k'a fili kɔgɔji kɔnɔ, o tun ka fisa a ma.

N'i ɲaa be kɛ sababu ye k'i don kojugu la, a wɔgɔbi. I ka don Ala ka masaya la n'i ɲaden kelen ye, o ka fisa ɲaa fila ka to i fɛ, i ka fili jahanama na.