Popular Bible Verses from យោហាន 16

Share

គ៝ប់​មឞើស​ងក៝ច​នាវ​អី​នៃ​មា​ខាន់​មៃ គៃ​មា​ខាន់​មៃ​គែស​នាវ​ដាប់​មពាន់​យ៝រ​មា​ខាន់​មៃ​ញឆីង​មា​គ៝ប់។ ហោម​គុ​តា​នែស​នតូ​អ្យា ខាន់​មៃ​ហោម​គែស​ម៝ប់​នាវ​ជេរ យើន​មា​លើយ​អោស​ក្លាច​រាវៃ យ៝រ​លាស​ទឹង​លែៈ​នទើ​តា​នែស​នតូ​អ្យា​គ៝ប់​លែៈ​ទើយ​ទាទេ​ជេស”។

នោក​ឞ្រាស​ហ្វេង​អ្វែស​អី​លែវ​នាវ​នតី​ងាន់​ត៝ត់ តៃ​ពាង់​លែវ​ខាន់​មៃ​អ៝ន់​គឹត​នាល់​ទឹង​លែៈ​នាវ​ងាន់។ ទឹង​លែៈ​នាវ​ពាង់​មឞើស​ងក៝ច​អី​នៃ មោ​អោស​គែស​លោស​តាៈ​ឞើស​ឆាក់​ពាង់​នើម​អុច។ ពាង់​មឞើស​ងក៝ច​ទឹង​លែៈ​នាវ​ពាង់​លែៈ​តាង់​ឞើស​ឞឹ​គ៝ប់ នទ្រែល​មា​មឞើស​ងក៝ច​អ៝ន់​ខាន់​មៃ​គឹត​ល៝រ​ម៝ស​នាវ​គែស​តា​នារ​ជឹត​នាប់​អ្យា​តៃ។

ត៝ត់​មា​អាបៃ​អ្យា ខាន់​មៃ​អេ​ហ៝ៈ​អោស​គែស​ទាន់​នទើ​ឞើស​ឞឹ​តា​រាញា​ឆាក់​គ៝ប់។ ខាន់​មៃ​ទាន់​ហ៝ម់ គែស​ងាន់​រ៝ ជេសរី​ខាន់​មៃ​គែស​នាវ​រាម់​មអាក​ទុត​ហោ​ងាន់”។

គ៝ប់​អុច​មឞើស​អ៝ន់​ខាន់​មៃ​គឹត នាវ​គ៝ប់​ទូ​លោស​ឞើស​ខាន់​មៃ​គែស​នាវ​ខ្លៃ​ងាន់​មា​ខាន់​មៃ។ លាស​គ៝ប់​មោ​ទូ​លោស នើម​កើល​មោ​អោស​វាច់​តា​ខាន់​មៃ។ យើន​មា​លាស​គ៝ប់​ទូ​លោស តៃ​គ៝ប់​ញជ្វាល់​ពាង់​អ៝ន់​មា​ខាន់​មៃ។ នោក​ត៝ត់​ពាង់​តា​អ្យា​តៃ ពាង់​ពើក​ឞោក​តោរ​ផូង​ឞូនុយ្ស​តា​នែស​នតូ​គឹត​វ៝ត់​មា​នាវ​តីស មា​នាវ​ឆ៝ង់ នទ្រែល​មា​នាវ​កោរាញ​ឞ្រាស​ផាត​ទោយ្ស។

អាបៃ​អ្យា​ខាន់​មៃ​តឹម​ឞាន​កើត​នៃ​ដ៝ង់ ខាន់​មៃ​គែស​នាវ​ងក្ល៝ន់​រាវៃ យើន​មា​គ៝ប់​តឹម​ម៝ប់​តៃ​ដាស​ខាន់​មៃ​ទូ​តឹ​ជឹត។ នោក​នៃ​ខាន់​មៃ​គែស​នាវ​រាម់​មអាក​ងាន់ មោ​គែស​អោស​ឞូនុយ្ស​ទើយ​ពីត​នាវ​រាម់​មអាក​ខាន់​មៃ។ នោក​នៃ​ខាន់​មៃ​មោ​អោស​ហោម​អោប​គ៝ប់​ទូ​នតីល​នាវ។ គ៝ប់​លាស​នហេល​នានេៈ​ងាន់​មា​ខាន់​មៃ ម៝ស​នទើ​ខាន់​មៃ​ទាន់​ឞើស​ឞឹ​តា​រាញា​ឆាក់​គ៝ប់ ពាង់​អ៝ន់​រ៝​មា​ខាន់​មៃ។

“គ៝ប់​លាស​នហេល​នានេៈ​ងាន់​មា​ខាន់​មៃ៖ ខាន់​មៃ​តៃ​ញហ្យាង់​ញុម យើន​មា​ផូង​ឞូនុយ្ស​អី​មោ​ញឆីង​មា​គ៝ប់​រាម់​មអាក។ ខាន់​មៃ​តៃ​គែស​នាវ​ងក្ល៝ន់​រាវៃ​អោស​អេត​អោស​អេល​ងាន់ យើន​មា​នាវ​ងក្ល៝ន់​រាវៃ​ខាន់​មៃ​អី​នៃ​តៃ​ព្លាច់​ជេង​នាវ​រាម់​មអាក​ច្រាវ។