Popular Bible Verses from Yòhánà 12

Share

Bí ɔ̀nyà-kã̀ wà wo kó dzítsɛ́ fú òŋu, ɛnɛ nyɛ̀ŋɛ̀ kó tɛ̀ náànyì-òŋu. Ńbí òŋu nákó wà#á, ńbɛ̀ ké ní adzítsɛ́-òŋu gbo nákó wà#á. Tsí bí ɔ̀nyà-kã̀ dzɛ́ adzítsɛ́-òŋu#ɛ́, Boba-òŋu nákó kɛ́ éwo‐ɛ̀ lɔ ńǹgbèrí.

Ɛnɛ yèé wà tsèsérè si ńǹtá-ayé-ara‐ɛ̀ gé#ɛ́, ɛnɛ nyɛ̀ŋɛ̀ nákó tsɛ̀rá. Tsí ɛnɛ yèé kò wà mú ayé‐ɛ̀ kpe iŋɛ́-kã̀ ńǹtalɛ̀ bí#ɛ́, àyɛ̀ wà fúu si báàyí, tsí nákó wà fúu si títí lɔ náàrìtã́.

Ó ɖi, òŋu wà wí fú ŋa ní fee, bàfó ɔma ɔ̀kã̀ntso, bí kò tsubú si ńlɛ̀, tsí dzirà#á, kà ɖi kpíkpɔ̀ láyé. Ɔ̀kã̀ntso#ɛ́ gé ní náa dzɛ́ si#ɛ́. Ó ɖi, bí ó dzirà#á, náa lama kpíkpɔ̀.

Òŋu wá ńǹtalɛ̀#ɛ́, tsí òŋu dzɛ́ mímá, àtsùgbée bí ɔ̀nyà-kã̀ gba òŋu gbɔ́#ɛ́, kó máa gbé nóòkùkù.

Bí ɔ̀nyà-kã̀ gbɔ́ afɔ̀-òŋu, tsí kò múu tsitsɛ́ tse#ɛ́, kò tsi òŋu ní wà kpɛdzɔ́ múu#ɛ́. Ó ɖi, òŋu kò wá ní òŋu kó wáa kpɛdzɔ́ fú ɔ̀nyà ŋa. Òŋu wá ní òŋu kó wáa gba ɔ̀nyà ŋa là ni.

Màríyà† ɔmànà-Màrítà gbo wà bɛ̀. Tsí ó lɔ káà kɛ́ àɖɛ̃́ rṹrũ̀ fĩ́rĩ́fĩ́rĩ́-kã̀ wá, tsí wáa ɖàá ɖà nɛ́sɛ̀-Yèésù. Àɖɛ̃́#ɛ́ kɔ̃́ àlàbɔ̀-lítà-kã̀, tsí ó gbowó gbo héŋú. Egi-nàríɖò sɔ̃́ŋú ní à ń tseé#ɛ́. Tsí ó ɖàá ɖà nɛ́sɛ̀-Yèésù kpó, tsí ó wà mú irɔ̃-éwo‐ɛ̀ nɔ̀ɔ́. Ńbɛ̀ɛ́, rṹrũ̀-àɖɛ̃́#ɛ́ gba ilé#ɛ́ kpó.

Ńbɛ̀ɛ́, à ǹɖe, tsí káà ɖá ɔ̀kpɛ̀ ŋa banɛ́, tsí lɔ ká káà kpàɖé‐ɛ̀. Tsí à wà ɖúgbe ní: Ényìì! Kùsɛ̀ɛ̀ fú ɛnɛ yèé bàa nárũ-Ɔlɔ́dzɔ́#ɛ́! Kùsɛ̀ɛ̀ fú ólú-ìlú-Ìsàràyɛ́lì†!

Tsí Yèésù wà wí fú ŋa ní: Ìwèrè tó, tsí ɔ̀nyà ŋa kó rí lílákṹ-òŋu, Ɛnɛ yèé ɔ̀nyà bí#ɛ́†.