Popular Bible Verses from Yòhánà 15

Share

Òŋu ká-òŋu ní dzɛ́ egi-ɔtí#ɛ́, tsí àŋa òŋu, à dzɛ́ akpá‐ɛ̀ ŋa. Bí ɔ̀nyà-kã̀ tse ɔ̀kã̀ntso bá òŋu, tsí òŋu gbo, òŋu tse ɔ̀kã̀ntso báa, ɛnɛ nyɛ̀ŋɛ̀ náa so rere. Ó ɖi, bí òŋu kò wà náànyì-ŋa, à kàkó nyáa tse iŋɛ́-kã̀ kpókpó.

Ó ɖi, kíbí òŋu gbo, òŋu tse ɔ̀kã̀ntso bá ŋa si#ɛ́, àŋa gbo ká tse ɔ̀kã̀ntso bá òŋu si bɛ́ɛ̀. Akpá-egi òŋu níìkã̀, bí kò tamá-egi#ɛ́ òŋu ká‐ɛ̀#ɛ́, kàkó nyáa so fú ara‐ɛ̀. Bɛ́ɛ̀ ké ní àŋa gbo, bí à kò tse ɔ̀kã̀ntso bá òŋu#ɛ́, à kàkó nyáa so#ɛ́.

Ó ɖi, bí à tse ɔ̀kã̀ntso bá òŋu, tsí afɔ̀-òŋu ŋa kí ńǹsérè si fú ŋa si, ká bere Ɔ̀ɖáyé Boba ńŋɛ́ ɔ̀kã̀lɔ́ɔ̀kã̀ yèé à wà wò#ɛ́ gé, nákó tseé fú ŋa.

Kò tsi àŋa ní tsã òŋu#ɛ́. Òŋu ká-òŋu ní tsã̀ ŋá#á. Òŋu tsã̀ ŋá, tsí wà ɖátsɛ́ fú ŋa ní: Ká lɔ, tsí ká so rere, tsí èso-ŋa kó gbé títí lɔ. Ńbɛ̀ɛ́, bí à kpe ɛ́kɔ-òŋu, tsí bere Ɔ̀ɖáyé Boba ńŋɛ́-kã̀#á, nákó fú ŋa ńnɛ̀.

Àmúɖɔ̃̀-kã̀ kpókpó kò wà, tsí láre ɛnɛ yèé dzɛ́ ní òŋu kó mú ikú-ara-òŋu tà náàtsùgbé-ídza-òŋu ŋa#á.

Bí akpá-kã̀ tamá-òŋu, tsí kò wà so, Boba-òŋu náa rɛ́ɛ ǹɖe. Tsí bí akpá kã̀ŋa wà, tsí àŋa òŋu, à wà so#ɛ́, náa tsɛ́ wàwá yèé wà nára-ŋa#á ǹɖe, àtsùgbée ká so máa rere.

Iŋɛ́ yèé òŋu wà fɔ̀ fú ŋa#á ní dzɛ́ ní: Náàŋírĩ-ara-ŋa#á, ɛnɛ kṹnukṹ kó nɛ́ àmúɖɔ̃̀ fú enìkéèdzì‐ɛ̀ kíbí òŋu gbo, òŋu nɛ́ àmúɖɔ̃̀ fú ŋa gbà#á.

Bí à so rere, tsí à nyà ɖíre ní àŋa dzɛ́ ɔmatsɛ́-òŋu ŋa ìɖéǹɖè, à wà nya lílákṹ-Boba-òŋu, tsí wà ń ɖíre fú ɔ̀nyà ŋa ńnɛ̀ɛ́.

Tsí Yèésù tɔ́ wà wíìnyɛ̀ làkóò ró, tsí ó ní: Òŋu ní dzɛ́ egi-ɔtí†-òtítɔ́#ɛ́, ɔ̀kã̀ kò wà ró. Tsí Boba-òŋu ní dzɛ́ olóko-egi-ɔtí#ɛ́.

Bí ɔ̀nyà-kã̀ wà, tsí kò tse ɔ̀kã̀ntso bá òŋu, à nákó kɛ́ɛ sɔ taánù lɔ kíbí akpá-egi yèé à rɛ́, tsí ó gbɛ̃#ɛ́. Akpá-egi yèé ŋa à rɛ́, tsí à gbɛ̃ ŋa#á, à náa se ŋá ɖà ńná, tsí à náa dzoná ni.

Òŋu wà wí afɔ̀ yèé ŋa fú ŋa, àtsùgbée ayè títɛ́ yèé wà fú òŋu#ɛ́ kó gbé bá àŋa gbo, tsí ayè kó tɛ́ ŋa dzálɛ̀ ni.

Bí à wà tse iŋɛ́ yèé òŋu wà fɔ̀ fú ŋa ní ká tse#ɛ́, à nákó gbé ńnɔ́-àmúɖɔ̃̀-òŋu. Ó ɖi, bɛ́ɛ̀ ké ní òŋu gbo, òŋu wà tse iŋɛ́ yèé Boba-òŋu wà fɔ̀ fú òŋu#ɛ́, tsí òŋu wà ńnɔ́-àmúɖɔ̃̀‐ɛ̀ si#ɛ́.

Ó ɖi, iŋɛ́ yèé òŋu wà fɔ̀ fú ŋa ní ká tse#ɛ́ ní dzɛ́ ní: Náàŋírĩ-ara-ŋa#á, ká nɛ́ àmúɖɔ̃̀ fú ara-ŋà ŋa.

Ó ɖi, ó má tsi à dzɛ́ ti ìtalɛ̀ bí, ɔ̀nyà-ayé yèé ŋa má nɛ́ àmúɖɔ̃̀ fú ŋa kíbí à nɛ́ fú tiŋà ŋa#á. Ó ɖi, òŋu tsã̀ ŋá, tsí à wà níìkã̀ fú ɔ̀nyà-ayé yèé ŋa, tsí à kò dzɛ́ ti ìtalɛ̀ bí ró. Ńnɛ̀ ní à wà nyà ŋá kãdzú#ɛ́.