Popular Bible Verses from Juan 15

Share

You sou la cepa, bós las bides. Quien stá an mi i you nel, esse dará muito fruito, porque sien mi nun podeis fazer nada.

Deixai-bos star an mi i you an bós. Tal i qual cumo la bide nun puode dar ubas se nun stubir na cepa, assi tamien bós se nun stubirdes an mi.

Se bós stubirdes an mi i las mies palabras stubíren an bós, podeis pedir todo l que quejirdes, que bos será dado.

Nun fustes bós que me scolhistes a mi, mas fui you que bos scolhi a bós i bos pus para que báiades i déiades fruito i l buosso fruito se mantenga, para que todo l que le pedirdes al Pai, an miu nome, el bos l deia.

Naide ten mais grande amor do que este, que un deia la sue bida puls sous amigos.

El corta las bides que an mi nun dan fruito i poda las que dan fruito para que déian inda mais.

L miu mandamento ye este, que bos ámedes uns als outros, tal i qual cumo you bos amei.

Assi se amostra la glória de miu Pai, que déiades muito fruito, i assi sereis mius deciplos.

«You sou la berdadeira cepa i miu Pai ye l lhabrador.

Quien nun stubir an mi será botado fuora, cumo las bides, i secará-se; seran apanhadas i botadas al lhume a arder.

Tengo-bos falado destas cousas para quedardes cuntentos cumigo i para que la buossa alegrie seia cumpleta.

Se guardardes ls mius mandamentos, quedareis ne l miu amor; tal i qual cumo you guardo ls mandamentos de miu pai i me mantengo ne l amor del.

L que bos mando ye que bos ámedes uns als outros.»

Se bós fúrades de l mundo, l mundo gustarie de l que era del, mas cumo nun sodes de l mundo i fui you que bos scolhi de l mundo, por essa rezon l mundo nun quier saber de bós.