Popular Bible Verses from Lwiki 12

Share

Ámyɛ tɛnɛna á zhì, bə̀ Numbyíní Byǐ mà n bə̀ yi rí tɛ̀bɛ́ á tʼá dɛ̃̀ mɔ̀ mɔ́.”

Cenə ń pyɛ̀lɛ̀ rɛ́ nyí ni shɔ̀nɔ́ yò zù ába, sʼá yẽ̌ bə̀ ń mà n pə ába tɛ̀bɛ́ rə̀ dàl mɔ́ n súlí.

Yezu zɛ̃̀ n zɔ̀m ǹdə́ bə̀ gakó n wɔ̀: “Dɛ̃̌na á cìn cɛ̀nɛ̀. Á bə̀kʼá wɛ̀rhɛ́ bwɛ̃̌-dǔr yé, bə̀ lò gə zhe nə̀cɛ̀ndɛ̀ dɛ̃´dɛ̃´ myɛ, rə̀ tʼâ súlí ǹ myə̂l dwɛ̀lɛ̀ yé.”

Á jɛ̃̀-kɔn dɛ́ gə́ ŋwɛ́nɛ́ mə̀gã̌, wɔ́ gàà á wun bùlə̀ né myɛ ŋwɛ́nɛ́.”

Wɔ́ mɔ̌ ń ŋwɛ́nɛ́ á wẽ́, ń wɔ̌ ń mà n zə twə́lə́ né nyɛ̀bɛ́ ń nə́ ń cĩ́ ń wẽ́ mó, n mə n súlí ń myə̂l dwɛ̀lɛ̀ bá jə̀-tórhó yírh rə̀dù cìcì?

Yezu zɛ̃̀ n wɔ̀ ń kwã-lyì bí ni: “Wɔ́ rə̀myɛ́ yil à nʼâ wə̀l ába: á bə̀kʼá tə̀ kùjú kɔ̀bɔ́ á la jú, ǹdə́ gɔ̀nɔ̀ kɔ̀bɔ́ á la co yil, á zɛ̃̀ á nʼá cĩ́ á myə̂l lé zal twə́lə́ á wẽ́ yé.

Nyǐnə Yi yě á ywésé myɛ cìcì yó. Á bə̀kʼá dùr ywẽ yé, bʼâ cɔ̃̀ kúmsí námpɔ́lsɛ́ dɛ̃´dɛ̃´.

“Ámyɛ̌ byɛ̀bɛ́ á wɔ́ à pyììsí mú, ǹdʼá bə já ga, á bə̀kʼá dùr ywẽ yé, bʼâ Da mɔ́ nə́ ń yâl n pə ába ń tənà yá.

Á gə nʼá yâl, sʼá nyǐ kààrhɛ́. Rə̀ tʼâ dwì twã́ yé; rə̀ tʼâ jə̀r jíjí yé; rə̀ bə kùjú cṹ jàà ǹdə́ bòbwə̀rh zhe yé. E jà Yi nʼê kɔ̀n dɛ̀. Lwarna bʼâmyɛ̌ du kúmsí dɛ̃´dɛ̃´.

“Á bə̀kʼá cĩ́ twə́lə́ á wẽ́, á nʼá pyà tɛ̀bɛ́ á la jú ǹdə́ tɛ̀bɛ́ á la nyɔ́ mɔ́ yé.

Byè yil á yə̀ Yi ni zhí? Yi nə gə nʼê kwɛrhɛ gɔ w ò ŋwɛ́nɛ́ zà, e jà nəkɔl ǹdə́ ò jú myǐn mú èta, rə̀ tʼâ la ámyɛ̌ kɔrhɔ dwini òmyɛ́ dɛ̃´dɛ̃´?

Kɔn tɛ̀nɛ́ rə̀ shèè rə̀ tʼâ la pwẽ̀ nè du yé. Kɔn tɛ̀nɛ́ rə̀ wɔ́ shə kɔna, bə̀ tʼâ la rɛ lwar yé.