Popular Bible Verses from Lwiki 5

Share

Ń gə́ cèrhè bè n zhɛ̀, n wɔ̀ Shəmɔ nɛ: “Zhəl yé né nɛ̃̌ mɔ́ gə́ lyìm mə̀gã̌, sʼá zə á gùndwə̂ né á gwɛ̃̀.”

Shəmɔ wɔ̀ mɔ̀: “Yó-cə́bal, nə́ gwɛ̃̀ cəcɛ̃ y námpúm, nə́ yə̀ kaka zal yé. Sə ǹ gə́ pɔ nyí yilə, à mʼa zə gùndwə̂ né a gwɛ̃̀.” Bə zə gùndwə̂ né bə zə émɔ̌rh nánjə̀jóló. Bə̀ gùndwə̂ né yʼà nʼê yâl nə kâr.

Sə ń yà ń nə́ ń dwi ń zhə̀l lò gə́ tɛ̀nɛ́ mə̀gã̌ ń ce Yi ń dúdú.

E də̀ wu-cángá cìnə́ à tú byõ̌ yé. Wɔ́ yə̀-bəlwàálɛ cìnə́ wun pyìrhú yil à túwə́.”

Shəmɔ Pyɛɛrɛ gə́ nɔ rə̀myɛ́, ńmyɛ̌ ǹdə́ lyì bí byɛ̀bɛ́ bə̀ yʼà nʼê tó mo bə̀ twĩ̀ mú wun zɛ̃̀ dɛ̃´dɛ̃´ émɔ̌sɛ́ bə̀ zɔ èta mɔ́ yilə. N zɛ̃̀ n tu ń nə̀dwə́nə́ yó Yezu yé né, n wɔ̀: “Cinu, zhǐr à yala nɛ, bʼà wɔ́ yə̀-bəlwàálɛ cə́bal.”

Yezu wɔ̀ bɛ: “Lyì byɛ̀bɛ́ bə̀ zhe bəsàzùlí bə lyìtwə́r tum zhe yé. Wɔ́ byɛ̀bɛ́ bə̀ wɔ́ nə̀bwànà mɔ́ bə̀ zhe ń tum.

Shəmɔ ǹdə́ ń tó-dwã bɛ́ zɛ̃̀ bə vwɛ̃ bə bǔ-bwələ né bə cĩ́ bù-cǔ w yó, bə zhǐr bə yẽ̌ kɔn dɛ̀bɛ́ gakó bə̀ yʼà zhe mó ne, bə tó Yezu ni.

Dɛ̃ rə̀dù, Yezu yà ń zhə̀l cɔ òdù. Nɔ cə́bal mə̀dù yà ń ŋwɛ́nɛ́ gàà, ń yala nɛ́ gakó yʼà kwərse. Ń gə́ nɔ Yezu, n tu ń nə̀dwə́nə́ yó, n wùlì ń yé né, n zə ń yé n pú tɛ̃´, n lwə̀l mò n wɔ̀: “Yó-cə́bal, kɔn gə wɔ́ ǹ bùlə̀, ǹ wɔ̌ ǹ wárh nɛ a jǐrh wárhgáá.” Yezu cèlè ń jɛ̃̀ n dwə̀rh mò, n wɔ̀: “Kɔn wɔ́ à bùlə̀. Wárh ń jǐrh wárhgáá.” Rə̀myɛ́ yi ní cìcì, nɔ w zhɛ̀.

Rə̀myɛ́ yi ní, Yezu yil lé kwɛrhɛ rə du rə súlí. Lyì nánjə̀jóló yʼà nʼê twí dwã yó bə̀ cili ń zɔ̀mà nɛ́, sə ń yà ń nə́ ń wárh byɛ̀bɛ́ bə̀ yʼà wɔ́ nə̀bwànà mɔ́.