Popular Bible Verses from Məco 7

Share

“Lwə̂lnə, bə̀ mʼa pə ába. Pyâna, á mʼâ na. Kɔ́kwána, bə̀ mʼa pul bòlò w bə pə ába á zù.

Zhə̀nà, lò mɔ̀bɔ́ gakó ń nə́ ń lwə̀lə̀, bə̀ yʼa pɔ̃; lò mɔ̀bɔ́ ń nə́ ń pyà, ń ya n na; lò mɔ̀bɔ́ ń nə́ ń kɔ́kwá, bə̀ yʼa pul bòlò w bə pɔ̃ n zù.

“Èta myɛ, lò mɔ̀bɔ́ gakó ń nə́ ń cili zɔ̀mà nɛ́ nyɛ̀bɛ́ à nʼâ byili mú, n zɛ̃̀ n wɛ̀rhɛ́ ǹdə nə̀ gə́ nʼê byili ní, rə̀-ná-cí nyɛ̌ ǹdə surhə cə́bal ta. Ń lù ń jì pàtá yó.

“Kɔn dɛ̀bɛ́ gakó á nʼá yâl bʼâ dwã bɛ́ wɛ̀rhɛ́ á yilə, sʼámyɛ wɛ̀rhɛ́ rɛ bə̀myɛ yilə. Wɔ́ èta Muyiisi nyə́ né sɛ́bɛ́ rɛ́ ǹdə́ Yi nyì-zwennə bé sábá nɛ́ nʼê byili ní.

Sə bwə̀rə̀ y nánshə́shɛ́nɛ́ y ǹdə́ sɔ́má y nánshə́shɛ́nɛ́ yá, wɔ́ nyǔ mə̀ tʼâ la zhɔ̌ jàà sə̀ zâ nɛ́, sə byɛ̀bɛ́ bə̀ nə sə̀myɛ́ mɔ́ bə já yé.

“Tónə bwə̀rə̀ y nánshə́shɛ́nɛ́ y á zù. Bwə̀rə̀ y kɛ̀bɛ́ è wà mɔ́, ǹdə́ sɔ́má y kɛ̀bɛ́ è wà mɔ́, wɔ́ jó jàà w sə̀ zâ nɛ́. Byɛ̀bɛ́ bə̀ nʼê tó se bə̀ zwì mú já.

Ámyɛ̌ ǹdʼá wɔ́ lwɛlɛ cìnə́ ga, wɔ́ kɔn dɛ̀bɛ́ rə̀ càn á nʼá pɛ á byâ bɛ́ nɛ, sʼe mʼe zɔ̀m á Da mɔ́ ń ŋwɛ́nɛ́ Arəzana w mɔ́ zɔ̀mà, ń mà n pə kɔn dɛ̀bɛ́ rə̀ càn lyì bí byɛ̀bɛ́ bə̀ nʼê lwə̀l mò mó ne.

Yezu zɛ̃̀ n súlí n wɔ̀ bɛ: “Á bə̀kʼá kə́ á dwã bɛ́ bùrsì á pə bɛ dóó yé, mùnì Yi bə̀kʼa kə́ ámyɛ bùrsì rə pə ába dóó yé. Zhə̀nà, Yi mʼa kə́ á bùrsí kɔn myɛrhɛ ǹdə á gə́ nʼá kɛ́ á dwã bɛ́ nyɛ̌sɛ́ nɛ́. Zwã̌ y á nʼá ce è wẽ́ á pɛ á dwã bɛ́ nɛ mɔ́, wɔ́ èmyɛ́ dwí rí cìcì wẽ́ Yi mʼa ce né rə pə ámyɛ nɛ.

“Sə lò mɔ̀bɔ́ gakó ń nə́ ń cili zɔ̀mà nɛ́ nyɛ̀bɛ́ à nʼâ byili mú, n zɛ̃̀ ń tá ń wɛ̀rhɛ́ ǹdə nə̀ gə́ nʼê byili ní, rə̀-ná-cí nyɛ̌ ǹdə lò mɔ̀bɔ́ ń bə surhə zhe ta. Ń lù ń jì y nyɔ̀rhɔ́ yó.

“Byè yil ǹ nə màlá y è ŋwɛ́nɛ́ ǹ dõ mó yírh ré wə, ń zɛ̃̀ ǹ yə̀l bə̀ də̀-bṹ ŋwɛ́nɛ́ ǹmyɛ́ cìcì nyân dɛ́ wẽ́? Etər ǹ mʼâ tó né ń wɔ̀ ǹ dõ mó ne: ‘Yẽ̌ a vùr màlá y è ŋwɛ́nɛ́ ǹ yírh ré wẽ́ mó’, də̀-bṹ w jʼà ŋwɛ́nɛ́ ǹmyɛ́ cìcì nyân dɛ́ wẽ́?

“Dɛ̃̌na á cìn ǹdə́ byɛ̀bɛ́ bə̀ nʼê myìnì ába bə̀ bə̀myɛ́ wɔ́ Yi nyì-zwennə mó. Bə̀ nʼê twí á wẽ́ ǹdə wɔ́ pyììsì sə̀ la sə̀ dwã pyììsì wẽ́ ta, e jà bə̀ wun ní wẽ́ mó, bə̀ wɔ́ gɔ kǔlsi sə̀ bàn pyììsí zal. Wɔ́ bə̀ tùntwə̃̀ə̃̀ né dɛnnɛ á mʼâ tó né á lwar bə̀ párá. Bə̀ tʼâ kwẽ écin bàasɔ̀bɔ́ yó yé. Bə̀ kʼê tʼâ kwẽ épyìlə́ sə́sɔ́nɔ́ yó yé.

Èta, cǒ kɔ̀bɔ́ ò càn, wɔ́ byâ byɛ̀bɛ́ bə̀ càn ò nʼô ce. Cǒ kɔ̀bɔ́ ò bə càn, wɔ́ byâ byɛ̀bɛ́ bə̀ bə càn ò nʼô ce.

Cǒ kɔ̀bɔ́ ò càn wàr ò ce byâ byɛ̀bɛ́ bə̀ bə càn yé. Cǒ kɔ̀bɔ́ ò bə càn wàr ò ce byâ byɛ̀bɛ́ bə̀ càn yé.

Cǒ kɔ̀bɔ́ ò tʼâ ce byâ byɛ̀bɛ́ bə̀ càn, bə̀ yʼa kà w bə ji myǐn.