Popular Bible Verses from Luk 8

Share

Eeme tɔ́na a má ŋa kuakɔ́na a ambányɛ yɛ́ ɔmɛsɛ́ áŋa háyɛ baacɔ a bá ŋa bɔ́ lɔ́kɔ́máka Bɛsana bɛ́ Bandɔ́mɛsɛ́ na atálɛ́mánánɔ́ yɛ́ ɔtɛ́má, bé biíbi tétényíki bɔmbányɛ e cííbú ɛtɛ́má, bé ti biíbi bɛ́hɔ́ya, bá hááka ne oweéhínyínyi bɛtámá háyɛ bɛnyɛ́ma a bɛ́ ŋaá háá. »

Eeme a má ŋa kuákɔ́na aá haála ahá tɔlandɔna naŋa túá lɔaka áŋa háyɛ baacɔ eebe a bá ŋa bɔ́ lɔ́kɔ́máká Bɛsana bɛ́ Bandɔ́mɛsɛ́, ɔ ɔcɔba ne buúse, ibíkéti ciéŋí ŋeé nyíóyo a bíábɔ́ bɛɛtɔ́, bɔnɔ́mɛ bɔ́ ɔmɛsɛ́ ŋe beébe hatɛ́ákɛ́na, bɔmbányɛ bú olíhe ŋé beébe nɔnjɛ́na ; buátɛ́ bɔkɔ bé ti ómo bú héyísi bɛtámá a bíɔ́nɛ́nánɔ́.

Eeme a má ŋa kuákɔ́na a akɔnja ɔ ɔmuaná áŋa háyɛ baacɔ eebe a bá ŋa bɔ́ lɔ́kɔ́máká Bɛsana bɛ́ Bandɔ́mɛsɛ́, bó biíbi káha ne obíléne, mbá biíbi ta ɔwɔɔ́nɛ́na náábɔ́ anyía bɛkaŋá tɛ ɔ́mɔɔ́ bá. Bé ŋe bú lúmítíníne e ekéti yí ekúlú ; mbá ekúlú ayɛ́ mɔkɔkɔnana é beébe hámɛ́na, bɔ́ hálɔ́mɔ́kɔ́na né elime.

Mbá Yésus ná baákɔ́nɛ́na ɔsɛ : « Uúnú olumitinine weényí e ? » Aáná baákɔ́nɛ́na ŋa bɔ́ bá bébú líkíméke, bé ŋe bú kéké, bá kɔ́ɔnaka beébe ne beébe báyɛ : « Ɔɔcɔ u háányɛ́ ooci e ? Ú ŋe téŋínyi te ehúne te menyífé, bí wuúci lɔ́kɔ́mákɛ́na ! »

Eeme a má ŋa kuákɔ́na o ohónyí ɔ ɔmuaná áŋa háyɛ baacɔ eebe a bá ŋa bɔ́ lɔ́kɔ́máka Bɛsana bɛ́ Bandɔ́mɛsɛ́, mbá Musɔ́mɛ́na ŋá faáya, múó biíbi ááŋíáka e cííbú ɛtɛ́má anyía bé ti ébú lumitinine ɔbɔ́ŋɔ olíhe.

Yááŋa anyíaʼo, bɛsana bikime abɛ́ baacɔ tɛ ŋá bɔ lɛca aámbáya bé ké bú biíbi lɛcaka ; bɛsana bikime ebí bé ti ŋe bu ményi aámbáya bé ké bu ményukune ɛ́cɛ bé me bu biíbi lɔ́kɔ́máka.

Ɛ́makɛ́la oónjú áa lɛ́cá anyía bé meé wuúci menyi, u ŋé bíkósíti, u nakamaka, u ŋé túmíne Yésus eŋéndu. U ŋé wuúci bíkétíkínyi eé buúse bɔ́ baacɔ bekime na anyíatɛ́ weé wuúci bítíse na anyána weé tényí a yááŋɔ́nua. Mbá Yésus ɔsɛ : « Meemé, uúwú olumitinine mó yóo nohi. Oóʼo, a cɔba bɔmbányɛʼo ! »

Bááyɛ́ baákɔ́nɛ́na ŋe bú bíkósíti nááyá, bé ŋé wuúci heényi báyɛ : « Taatá, Taatá, túɔ́ cɔba o onyíme ! » Yésus ŋá haanyúa, u ŋé siséke ne ehúne na bɛahɔ́ bí menyífé. Bí ŋé lésíkínyi, mbuumu nyɛfaaya eényí.