Popular Bible Verses from 1 Corinthianee 15

Share

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Agh booise dy row gys Jee ta coyrt dooin yn varriaght, trooid nyn Jiarn Yeesey Creest.

Ny bee‐jee mollit; ta drogh heshaght cur mow ellyn mie.

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

O vaase! cre vel dty ghah? O oaie! cre vel dty varriaght? Gah yn vaaish she peccah eh; as niart peccah yn leigh eh.

Cur‐jee my‐ner, ta mee soilshaghey diu folliaght; Cha jean mayd ooilley cadley, agh bee mayd ooilley er nyn gaghlaa, Ayns tullogh, ayns shallid, ec y chayrn s’jerree: (son bee’n cayrn er ny hellym, as bee ny merriu troggit seose gys y stayd nagh jed mow, as bee mayd er nyn gaghlaa.)

Son fakin dy nee liorish dooinney haink baase; liorish dooinney myrgeddin haink yn irree‐seose‐reesht veih ny merriu. Son ’naght myr ayns Adam ta ooilley geddyn baase, dy jarroo myr shen ayns Creest bee ooilley jeant bio.

Son shegin da’n corp neu‐ghlen shoh ve coamrit lesh glennid, as y chorp marvaanagh shoh lesh y vea dy bragh beayn.

Son shegin dasyn reill derrey t’eh er choyrt ooilley e noidyn fo chosh. Yn noid s’jerree hed er stroie, yn baase eh.