Popular Bible Verses from Jannoo 4

Share

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

As erreish daue v’er ghoaill padjer, chrie yn boayl raad va’d er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

As nish, Hiarn, cur‐my‐ner nyn maggyrt: as giall da dty harvaantyn, dy vod ad lesh slane dunnallys dty ghoo y ockley magh

Shoh yn chlagh ren ny masoonee y vee‐lowal, t’er jeet dy ve yn ard‐chlagh chorneilagh.

Nish tra hug ad my‐ner dunnallys Pheddyr as Ean, as hoig ad nagh row ad agh deiney boght gyn‐ynsagh, va yindys orroo, as hooar ad magh neesht dy row ad jeh fir‐eiyrtee Yeesey.

As va’n earroo jeusyn ren credjal jeh’n un chree as yn un annym; chamoo dooyrt fer jeu, dy by‐lesh hene va nhee erbee jeh e chooid‐seihlt, agh va dy chooilley nhee oc ayns co‐pharteeys cadjin.