Popular Bible Verses from Noo Luke 6

Share

Jean‐jee coyrt, as bee eh er ny choyrt diu; towse mie, jingit sheese, as criht cooidjagh, as roie harrish, ver deiney diu ayns nyn oghrish. Son lesh y towse cheddin ta shiu towse, bee eh er ny howse diu reesht.

Ta dooinney mie ass stoyr mie e chree, cur‐magh shen ny ta mie: as drogh‐ghooinney ass drogh stoyr e chree, gymmyrkey shen ny ta olk: son magh ass stoyr y chree ta’n beeal loayrt.

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Bee‐jee er‐y‐fa shen myghinagh, myr ta’n Ayr eu myrgeddin myghinagh.

Ny jean‐jee briwnys, as cha bee shiu er nyn mriwnys: ny jean‐jee deyrey, as cha bee shiu er nyn gheyrey: leih‐jee, as yiow shiu leih

Agh ta mish gra riuish ta clashtyn, Bee‐jee graihagh er nyn noidyn, bee‐jee dooie roosyn ta cur feoh diu: Bannee‐jee adsyn ta gwee mollaght diu, as gow‐jee padjer er nyn son ocsyn ta cur seaghyn erriu.

As myr bailliuish deiney dy yannoo riuish, jean‐jee shiuish myrgeddin roosyn.

As huggeysyn woaillys oo er y derrey lieckan, chyndaa myrgeddin yn lieckan elley: as eshyn ghoys ersooyl dty chloagey, ny bee noi dty chooat y lhiggey lesh myrgeddin. Cur da dy chooilley ghooinney ta jannoo aghin hood; as jehsyn ta goaill ersooyl dty chooid voïd, ny shir ad reesht.

Son cha vel billey mie tilgey drogh vess: ny drogh villey tilgey mess mie.

Son ta dy chooilley villey er ny chronnaghey liorish vess: son cha vel mess y villey‐figgagh er ny heiy jeh drineyn, ny mess y villey‐feeyney jeh thammag‐ghress.