Popular Bible Verses from San Juan 4

Share

Saa chi Ndioxi ra ta iyoo tachi va saa iyoo ra, ña kan ke na ndasakaꞌnu na ra ta kuꞌva iyoo va ra ―kachi Jesús xiꞌin ñaꞌa kan.

Ra vichin ke xa ndixaa va kii, ra na ndinuni ni ini ndasakaꞌnu Ndioxi, ra na ndasakaꞌnu ni ka va na Tata na Ndioxi xiꞌin ndiee Tachi Yii ra xiꞌin ña ndaa ta kuꞌva kuni mii ra, saa chi taꞌan na kan kuvi na kuni va Tata yo Ndioxi.

Ndi su na koꞌo tiakuii ra ^taxi yuꞌu, ra ndia nii ka kii ndächi ini na. Saa chi tiakuii ra taxi yuꞌu, ra iin ta kuꞌva iyoo iin itia kaꞌnu iin saa koo ra, ña kana ra ini na, ra ra kan kuvi ra taxi ña kutiaku na ndia ndikaa ndikuꞌun ―kachi Jesús xiꞌin ña.

Ra saa ndakuiin Jesús kachi ra saa xiꞌin ñaꞌa kan: ―Tu na kundaa ini kun ña kaꞌnu ña taxi Ndioxi, ra kundaa tu ini kun yoo kuvi ra kaꞌan xiꞌin kun ña taxi kun tiakuii koꞌo ra, saa ra mii va kun kuvi ña nduku tiakuii nuu ra, ra ra kan ra tiakuii ra taxi ña kutiaku va kun kuvi ra taxi ra koꞌo kun ―kachi Jesús xiꞌin ña.

Ra saa ndakuiin Jesús kachi ra saa xiꞌin ndia: ―Ñaꞌa ña xixi yu kuvi ña xa yu chiñu ña kuni Tata yu ra tiꞌvi yuꞌu vaxi va yu, xiꞌin ña saxinu yu chiñu ra.

Saa ndakuiin ñaꞌa kan kachi ña saa xiꞌin ra: ―Tata, tiaa ni kunu ndikaa tiakuii yoꞌo, ra nii ñaꞌa köo niꞌi kun ña tava kun ra. ¿Ra ndia mii kuꞌun kiꞌin kun tiakuii ra taxi ña kutiaku yuvi, ra kaꞌan kun xaꞌa taxi kun koꞌo yu?

Ra saa ndikaꞌan ñaꞌa kan kachi ña saa: ―Xa kundaa va ini yu ña tiꞌvi Ndioxi iin tiaa ña kixi ra sakaku ra yoo, ra ra kan kuvi ra kaꞌan yo kuu Cristo. Ra te na xaa ra kan, ra ra kan kuvi ra ndakani nuu yo xaꞌa takundiꞌi va ña iyoo ―kachi ña xiꞌin Jesús. Ra saa ndakuiin Jesús kachi ra saa xiꞌin ña: ―Yuꞌu, ra kaꞌan xiꞌin kun yoꞌo kuvi va ra ―kachi ra xiꞌin ña.

―Naꞌa ndo, kuꞌun yo xiꞌin yu ra kuni ndo, chi ikan nduꞌu iin tiaa ra ndikaꞌan ra xiꞌin yu xaꞌa takundiꞌi va ña xa yu. Ra kusana ra kan va kuvi Cristo, ra xaa sakaku yoo ―kachi ña xiꞌin na.