Popular Bible Verses from San Lucas 22

Share

kachi ra saa: ―Tata, tu kuni kun, ra na täxi kun ña ndoꞌo yu. Ndi su na köo ña kuni yuꞌu, chi na sa kun ña kuni mii va va kun ―^kachi ra.

Ndi su xa ndikaꞌan va yu xiꞌin Ndioxi xaꞌa kun, ña na kandixa ni ka kun yuꞌu, ra ta xa na nandiko tuku kun nuu yu, ra na chindiee taꞌan kun xiꞌin ndia ñani kun, ña ndinuni ni ka na kandixa ndia yuꞌu ―kachi ra xiꞌin ra.

Ra saa kiꞌin ra xita vaꞌa ra taxi ra tixaꞌvi ndaꞌa Ndioxi xaꞌa ña, ra saa taꞌvi ra ña taxi ra ndaꞌa ndia, ra ndikaꞌan ra xiꞌin ndia, kachi ra saa: ―Ña yoꞌo ku iki kuñu yu, ña ndataxi yu xaꞌa ndo vichin. Ra iin takundiꞌi ichi na sa ndo ña yoꞌo ña ndakaꞌan ndo xaꞌa yu ―kachi ra.

Ra te sandiꞌi ndia xixini ndia, ra saa kiꞌin tuku ra copa ña ñuꞌu vino, ra ndikaꞌan ra xiꞌin ndia kachi ra saa: ―Vino yoꞌo ku iin trato xaa ña kindoo yu xiꞌin ndo vichin, chi ra yoꞌo ku nii yu ña kutia xaꞌa kuachi takundiꞌi ndo.

Ra saa kusuchi ka vi ini ra, ra saa ndakundiee ni ka ra ndikaꞌan ra xiꞌin Ndioxi, ra saa xaꞌa koyo tiatiin ra nuu ñuꞌu, ra iin ta iin tinaꞌnu nii saa íin ra.

Ndi su ndoꞌo, ra süvi saa ke koo ndo, chi xa siin va ke koo xiꞌin ndoꞌo. Saa chi iin ra kuni kuchee nuu ndo ra ta iyoo iin ra loꞌo va ke na koo ra, ra ra xaꞌndia chiñu nuu ndo, ra ta xa iin na chuꞌun ndaꞌa va ke na sa ra.

Ra saa ndikaꞌan Jesús xiꞌin ra, kachi ra saa: ―Na kaꞌan yu xiꞌin kun ra kundaa ini kun, chi vichin ra xa uni va ichi tiseꞌe tuꞌun kun xaꞌa yu, ña xïni kun yuꞌu kachi kun, ra saa kana chele ―kachi ra.