Popular Bible Verses from San Marcos 14

Share

Ra kachi ra saa kaꞌan ra xiꞌin Ndioxi: ―Abba Tata, köo ña uꞌvi nuu yóꞌo̱. Ra sayaꞌa yuꞌu ndaꞌa tundoꞌo ña vaxi yo̱ꞌo̱; ndi na köo ña kuni yuꞌu, chi na koo ña ta kuꞌva kuni mii va kun ―kachi ra xiꞌin Ndioxi.

Kundito ndo, ra kaꞌan ni ndo xiꞌin Ndioxi, ra na täxi ra ña koyo ndo ndaꞌa kuachi; chi ña ndixa ke: ndoꞌo, ra kuni ni va ndo kaꞌan ndo xiꞌin Ndioxi, su ndi vita ni ini ndo ―kachi ra xiꞌin ndia.

Ra ña ndixa ke kaꞌan yu xiꞌin ndo, chi ndia ndia ka nuu ñuꞌu ña yuuvi yoꞌo, nuu ndatuꞌun na tuꞌun Ndioxi, ra ikan ndatuꞌun tu na xaꞌa ñaꞌa yoꞌo va, ra saa ndakaꞌan na xaꞌa ña vaꞌa xa ña.

Ra saa ndikaꞌan ra xiꞌin ndia kachi ra saa: ―Tiaa ni ke kusuchi ini yu, iin iyoo ini yu kuvi va yu; ra ndoꞌo, ndia ndòò yoꞌo ra kundito ndo ―kachi ra.

Nani saa ku ndia ndee ndia xixi ndia, saa kiꞌin Jesús iin ixta, ra taxi ra tixaꞌvi ndaꞌa Ndioxi, ra saa taꞌvi ra ña taxi ra ndaꞌa ndia, ra kachi ra saa xiꞌin ndia: ―Kiꞌin ndo ña yoꞌo, kuxi ndo; chi ña yoꞌo ku iki kuñu yu ―kachi ra.

Ra saa ti̱in ra iin copa vino, ra taxi ra tixaꞌvi ndaꞌa Ndioxi, ra sayaꞌa ra copa kan ndaꞌa ndia, ra loloꞌo ra xiꞌi takundiꞌi ndia. Saa ndikaꞌan ra xiꞌin ndia kachi ra saa: ―Vino yoꞌo ku iin trato xaa ña kindoo yu xiꞌin ndo vichin, chi ra yoꞌo ku ni̱i̱ yu ña ku̱tia xaꞌa takundiꞌi na yuuvi yoꞌo.

Saa ndikaꞌan Jesús xiꞌin ndia kachi ra saa: ―Ñuu vichin ra takundiꞌi ndo yuꞌvi, ra ndakoo mii tuꞌun va ndo yuꞌu; chi saa kachi tuꞌun Ndioxi: “Kuvi ra kuu paxto, ra ndutia ndiꞌi va ndikachi kuꞌun ri”, kachi ña.

Ndakoò ndo ra kuꞌun yo; chi xa kuyachin va ra ndataxi yuꞌu ndaꞌa na ―kachi Jesús xiꞌin ndia.

Saa ndikaꞌan Jesús xiꞌin ra: ―Ña ndixa kaꞌan yu xiꞌin kun, chi xa uni va ichi ti̱se̱ꞌe tuꞌun kun xaꞌa yu ñu̱u vichin, ra saa kana chele uvi ichi ―kachi Jesús.