Popular Bible Verses from San Marcos 4

Share

Saa ndakoo Jesús, ra xaꞌndia ra chiñu nuu tachi kan, ña na kutuvi ña ra ndikaꞌan tu ra xiꞌin tiañuꞌu kan va kachi ra saa: ―Xavaꞌa, koo taxin kun, ―kachi ra xiꞌin ra. Saa ra ndikun ndixkuiin va tachi kan, ra yayaa kutaxin va. Saa ndikaꞌan Jesús xiꞌin ndia itaꞌan xiꞌin ra kachi ra saa: ―¿Nichuun ndiee ni iyuꞌvi ndo? ¿A täan xinu ini ndo kandixa ndo Ndioxi saa va? ―kachi ra xiꞌin ndia.

Ra ndakanda ka vi ini ndia, iin kuaꞌan ini ndia ndee ndia, ra kaꞌan xiꞌin taꞌan ndia kachi ndia saa: ―¿Ndia tiaa kuvi ra yoꞌo? Ra ndia tachi xiꞌin tiañuꞌu, ra kandixa ra ña kaꞌan ra ―kachi ndia xika xiꞌin Jesús xaꞌa ra.

Ra chi kaꞌa barca kan ndúꞌu̱ iin ñaꞌa ndachiꞌi Jesús si̱ki̱ ra, ra ndakanduꞌu ra, ra saa naa ini ra ndikixi va ra, ra saa ndi̱xa̱a̱ ndia itaꞌan xiꞌin ra sandoto ndia ra, ra ndikaꞌan ndia xiꞌin ra, kachi ndia saa: ―¡Tata Maestro! ¿A ndïꞌi ini kun ña kuni saꞌvi barca loꞌo yoꞌo xiꞌin yo kaꞌa mini yoꞌo? ―kachi ndia xiꞌin ra.

Ra ndikaꞌan ka ra xiꞌin na kachi ra saa: ―Tiaa ni soꞌo ndo ña kaꞌan yu xiꞌin ndo yoꞌo. Chi ta kuꞌva xa ndo xiꞌin inka yuvi, ra saa ke sa tu Ndioxi xiꞌin ndoꞌo va, ra ndia ndakunuu ka va siki ña ndakiꞌin ndoꞌo sa ra.

Saa ndikaꞌan tuku Jesús xiꞌin na kachi ra saa: ―Ichi nuu xaꞌndia Ndioxi chiñu ra suꞌva va ke iyoo ña: ta kuꞌva kuu xiꞌin tata, ña ndixaꞌan iin tiaa chiꞌi ra nuu ñuꞌú, ra saa iyoo ña yoꞌo. Saa chi takua chiꞌi ra ña ra ndakiꞌin ra kuaꞌan va ra, ra a kixi̱ ra, a ndito va ra, ndi mii ra xini va, ra tata ña chiꞌi ra, ra ñuu kaꞌñu xaꞌnu va ña kan kuaꞌan ña, ndi su tiaa kan, ra kundäa ini vi ra ni ke kuu xaꞌnu ña.

Ndoꞌo, na xini soꞌo ña kaꞌan yu xiꞌin ndo yoꞌo, ra ndakiꞌin xini ndo xiꞌin ña ni ke kuni kachi ña ―kachi Jesús xiꞌin na.