Popular Bible Verses from San Marcos 6

Share

Ra saa ndikaꞌan ra xiꞌin ndia kachi ra saa: ―Naꞌa ndo, na kuꞌun yo chi iku nuu köo yuvi ndakindiee ndo loꞌo ―kachi ra xiꞌin ndia. Chi kuaꞌa ka vi yuvi vaxi nuu ndia; na kuaꞌan, ra na xaa va, ra ndia nii ña kuxi ndia ke küvi, chi kuñäꞌa mii vi ndia.

Saa ndikaꞌan Jesús xiꞌin na kachi ra saa: ―Takundiꞌi ñuu ra xatoꞌo va na iin yuvi na kaꞌan tuꞌun yuꞌu Ndioxi, su ndi ñuu na nuu kee na, nuu ndee na taꞌan na, na veꞌe na, ra xätoꞌo na na kan ―kachi Jesús xiꞌin na.

Ra te nuu ra ini barca loꞌo yoꞌo ra ndakotoꞌni ra, ra xa iin ndandaa va kaa iku kan xiꞌin yuvi, saa ra kundaꞌvi ka vi ini ra xini ra na, chin chiꞌña ka vi íin na ndee na, ta iin ndikachi vali ti köo ixtoꞌo saa íin na. Saa xaꞌa ra sañaꞌa ra na xaꞌa takundiꞌi ña vaꞌa.

Ra ndiküvi sa Jesús ndia nii ña xituꞌun ñuu ra, chi takua ña xa ra ke sanduvaꞌa ra ndiaꞌvi na xiꞌi̱ va, ña chinduꞌu ra ndaꞌa ra sata na, ra ña yoꞌo kuiti va ke xa ra. Ra ndakanda ka vi ini Jesús xini ra na yuvi yoꞌo xaꞌa ña ndiee ni ini na, chi ndixïin na kandixa vaꞌa vi na ra. Saa ndakiꞌin ra kuaꞌan ra iinii kuvi ñuu vali ndoꞌni yachin kan, sañaꞌa ra na yuvi tuꞌun Ndioxi.

Saa kiꞌin Jesús uꞌun saa ixta kan, xiꞌin uvi saa tiaka, ra ndoniꞌi ra nuu ra chi ndivi, ra ndataxi ra tixaꞌvi ndaꞌa Ndioxi xaꞌa ña, ra te ndiꞌi, saa taꞌvi ra ixta kan taxi ra ndaꞌa ndia xika xiꞌin ra, ña ndataꞌvi ndia xiꞌin na yuvi kan, ra saa ndataꞌvi tu ndia uvi saa tiaka kan xiꞌin takundiꞌi na yuvi kan. Ra xixi takundiꞌi na yuvi yoꞌo ndiakua nditiandiaa ini na. Ra te ndiꞌi xixi na, saa ndakaya ndia takundiꞌi ixta ñaꞌñu ña nindoo ndoso, xiꞌin tiaka ti nindoo ndoso, ra uxi uvi ka tuká sakutu ndia xiꞌin ña.