Popular Bible Verses from Jòvánì 3

Share

Tacó Mbíṛì zè ndâ ꞌduù muu to tí nó nìkì ngé ma. Tacó énò, yí giì je gbèe ꞌViì mì wó ji ndú. Mbíṛì je gbèe ꞌViì mì wó ji ndâ ꞌduù, tacó wàa, ndâ ꞌduù ŋìnó mbe ùnje gítí wó nó ꞌví giṛiꞌo lá. Ndú delè ꞌví ꞌde ta ꞌválá ŋìnó mbe cee lá nô.

Mbíṛì tuu ꞌViì mì wó gí muu to tí nó me tacó bà waa có mítí ndâ ꞌduù lá. Yí tuu yí a i tacó bà ꞌvala ndâ ꞌduù.

Káa Jézù giì ꞌvìsì có ji Nìkòdémò máa, «Ye kû ꞌdè có ji wò ta yúcó máa, à má kpò gbí ndi bà jò ꞌduù lá, ꞌduù tí nò bà dù tí bòò-gba mì Mbíṛì wálá.»

Mbíṛì bà waa có mítí ndâ ꞌduù ŋìnó mbe ùnje gítí ꞌViì-mì-ꞌDakò gî nó wálá. Káa ꞌduù ŋìnó mbe biya bà ùnje gítí gbèe ꞌViì-mì-Mbíṛì ta ꞌbí ꞌviì go yí mì Bu wó wálá nó gî nó ꞌva tí to sàà gî.

Mbíṛì bà waa có mítí ndâ mbe ngbútù ta ndeṛè  énó máa, ngbaꞌo gì gí muu to tí nó gî, káa à giì nìkì tí ndâ ꞌduù a bà kpoko tí ndú ta ndi gbí ꞌdíꞌdiꞌo. Ndú biya bà dù gbí ngbaꞌo gî, tacó ndú ta o ꞌdáá gî kû bàkà káa ndâ vò i.

Wotí mì wó má kû ya gí yaà, wotí mì ye kû dele gí to.

À dú káa yúcó máa, ndâ mbe bàkà vò i ꞌdáá gî kû sogo ngbaꞌo, tacó à tí ndú a gúku, máa, ndâ ꞌduù bà ŋò ŋa ndâ vò i tí nó náa ndâ yì kû bàkà nô.

ꞌDuù mbe ꞌdi có mì ꞌViì gî bà ꞌde ꞌválá ŋìnó mbe cee lá nô. Káa, ꞌduù ŋìnó mbe biya bà ꞌdi có mì ꞌViì gî nó jé gí bà ꞌde ꞌválá ŋìnó mbe cee lá nó wálá, tacó yí kû ꞌvala gbí kpo-tàkòcò mì Mbíṛì.»

Mbíṛì bà te ꞌViì-mì-ꞌDakò gí yaà mí kùṛo ndâ ꞌduù go bà te cè tí kpoo tí nó náa à du ꞌdo tí liì nó mì Mòze gí yaà mí kùṛo ndâ ꞌduù gbí kángáá nga ngoò

Bu ꞌViì zè ꞌViì nìkì ma. Yí giì kaa ndâ i ꞌdáá mí ꞌbì ꞌViì gî.