Popular Bible Verses from Sant Marc 6

Share

Hag e lavaraz dezhe: Deuit a‐gostez, en eul leac’h dezert, ha kemerit eun tam repos. Rag kement a dud a oa o tond hag o vond, ma n’ho doa ket zo‐ken amzer da zibri.

Mes Jesus a lavaraz dezhe: Eur profet n’ed eo disprizet nemed en he vro, e‐touez he gerent hag en he di he‐unan.

Neuze Jesus, o veza deuet er meaz, a velaz kalz a bobl; hag hen doe truez outhe, dre ma oant evel denved ha n’ho deuz pastor e‐bed; hag en em lekeaz da ziski kalz a draou dezhe.

Ha na hellaz ober eno burzud e bed, nemed ma iac’heaz eun niver bihan a dud klanv, en eur lakaad he zaouarn varnezhe. Hag e oa souezet o velet ne gredent ket; hag ez eaz dre ar villajennou tro‐var‐dro, en eur gelen.

Ha Jesus a gemeraz ar pemp bara hag an daou besk, hag, o sevel he zaou‐lagad var‐zu an env, e rentaz grasou, hag e toraz ar baraou, hag ho roaz d’he ziskibien, evit ho frezanti d’ar bobl; hag e rannaz ive an daou besk etrezhe holl. Hag e tebrjont holl hag e oent rassaziet; hag e tastumjont daouzec panerad leun euz an demoranchou bara, hag euz ar pesked.