Popular Bible Verses from Mak 7

Share

Baŋ thin, ne piɔn de raanic, taŋ rac ee bɛn bei, ne bal, rueny, tir, lɔ ke tiŋ de ran dɛ ku tiik ke mony dɛ, rɛɛc, dhuɔm, kɔr rɛɛc de guɔp, peeth, ku lɛɛt rac, ku dit de piɔu, ku bɛɛl: keekarɛcka kedhia aye bɛn bei ne piɔu, ku yiki raan rac.

acin ke de baŋ biyic de raan, ye lɔ ne baŋ thin de raan ku bi ye riɔk: ka ye bɛn bei ne baŋ thin keeka ye raan riɔk.

Go ke yɔɔk, Ye Yithaya ee nyiɛc jam ne week we medhuum, ci man cene ye gɔɔr, Ye keekɔcka kaye ɣa riɛu ne kethook, Ku piɔthken kamec enɔŋ ɣan.

Aaye ɣa door ne ciɛlic, Ku weetden ye kek weet ee ya ke de kɔc.

We ye looŋ ke Nhialic waan, ku yaka looŋ ke kɔc dot arir.