Popular Bible Verses from Jɔn 3

Share

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Koosa wa fun tum o be di o wa di tɛɛnɛ nɔ maga nara sɛria, amaa o funɛ tum unu di o wa yisi ba a li ba tum tagna ni.

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

“Ba naa se su Koosa be, Koosa wa zi di ba tum galimsa sɛria a ŋɔ di ba chelu. Ba naa se ka vɛ su un, Koosa piin di ba tum galimsa sɛriau a ŋɔ di ba chelu. O fun ya chen, domi ba se wa su o be bɛgim ti.

Nannɛ Koosa lisi ba wɛ. O be chi fitina o fun tum tɛɛnɛ nɔ maga ni. Nidamata fun lisi di ba nyɛn birsi ni a ta val nha ni, domi ba la tum tum tagna daha.

O deŋlu wa o zini buudaha ka mu tu tɛɛnɛ.”

Ba zimu di ba tum ba tum tagna nha ni, nara maga zi na chenani ba tumu. Chendaha ba chɔ li un ni.

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

“Ju tim nawaal, Mosis, funɛ kpa lugiu a kɔɔri dum a kpa du da ni a fun zer un a tɛ Ju tim bambaan ni a li nyabaan ni. Chene ba zi wa kpa n waa nibine be a kpaasi mari daakakli ni a zer min baŋ

Koosa daŋni o be tiu a kpa kin maga kpok a du o nin ni.