Popular Bible Verses from Luk 6

Share

Maa nyɛ ma dɔŋtima kina nawara ba daŋni, chen ni Koosa zi nyɛ ma gbanko kina nawara ma daŋniu. Koosa kpa o kina a nyɛ ma, o wara nyɛ ma kilok. O ka ya nyɛ mau a su hali a la gali. O zi tiŋ chen nyinbaanu a chi chenani maa tiŋ ma dɔŋtima chen.”

Nibine bambi chi o kina bar chiŋsirɛ. Kiwere nyɛn dooni, o zi kpa a li sɛmu. Nibine sɛm a li chenani o bambi du nɛɛ.”

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Waa la ɔm nara maga siki. Chendaha ma gbanko kiɔm nara maga wa siki.”

“Ma ta na ma dɔŋtima galimsa, chen ni Koosa gbanko wa zi na ma galimsa. Maa gil ma dɔŋtima tum tagna a nyɛ ba, Koosa gbanko zi gil ma tum tagna a nyɛ ma.

“Maa nu mu sɛm na nɛnɛ. Maa daŋni ma dɔma. Maa tum tum were a nyɛ ba naa ha ma ni. Ma sumi Koosa di ba naa ŋɔ nɔɔsa a nyɛ ma na alaafɛ a sumi un a nyɛ ba naa la namsi ma.

Ma tum wu were a nyɛ ma dɔŋtim ni a chi chenani maa daŋni ba tum kinyɛ ma.

Nandigi mo ma nindil lɛha, ma nyɛ o mo ma ningal lɛha gbanko. Nar zer i takta wewe, ma nyɛ un ma takta zenzen a gbaari. Nandigi sumi ma kundɔŋ, ma nyɛ un. Nandigi zer ma kin, ma ta nyɛ o kpa bur waali.

“Bugil weri wa kinɔn nɔn tagna. Bugil tagin wa kinɔn nɔn were.

Bugil nɔn nɛɛ, ma ya kpa a zim bugil ti. Koom bugil wara nɔn soom nɔɔna. Kpaglim bugil wara nɔn maŋgo nɔna.