Popular Bible Verses from Luk 8

Share

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

Kiduhu naa funɛ chesi sɔti ta bar nyɛni ni chen chi ba naa nu laaboor ti, amaa tɛɛnɛ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Kiduha naa funɛ chesi buŋkul ta tuhu ni chen chi ba naa nu laaboor weri ti ka ba tusa sɔɔni. Amaa laaboor ti wa fun ta lur ta ba ni. Ba funɛ tiŋ tamnɛ, amaa saha naa namsi wa kpak ba chen laaboor weri ti daha, ba vɛ un a bu vɛ tiŋi.

O fun ŋɔ ba, “Ma se wa su minn?” O fun ya ba alaazibu kinkan ka hansura zu ba. Ba funɛ pɛɛsi dɔŋa, “Baal nɔ, baŋ nibine ya un? Hali o koti a sɛm sɛma peha awa ni wati a nu o nɔ.”

Kiduha naa funɛ chesi nyinbaan ti ni chen chi o laaboor weri naa nibinsa nurɛ. Sintana fun si lalaga a wa yisi laaboor ti a li ba bambe ni, chen ni ba se wa zi su un. Koosa wa zi koti a yisi ba a li ba tum tagna ni.

“Kin naa maga soglee, a maga zi wa li gbampulimu, chen ni ma zi na au.

Haan ti wa fun bu koti a sogli o titi a li zɛmɛ tima ni. Hansura fun a kpak un kinkan. O bara fun a jigiri. O fun wa gbiri o suwachak ni a ŋɔ un chenani o gbaŋsi o takta a vaan na alaafɛ. Zɛmɛ ta maga fun chiŋi a go un a nu chenani o sɛm Yesu ni. Yesu fun ŋɔ un, “N be, i si suuli nyɛ i na alaafɛu. Kila dama awa tu sɔɔn ni.”

O gantɛl tiŋsi ta fun a laasi un a ŋɔ, “Ya kunyana, yaa daŋni ya sou. La ya a ta.” Yesu fun si o do ti ni a ŋɔ pehe ti ni di o chiŋi a ŋɔ ni ti ni di o du balimm. Pehe ti fun chiŋi. Ni ti gbanko fun a du balimm, hali o wa fun a dam tama.