Popular Bible Verses from Takatwasane Izipiti 2

Share

Ku Twaumase la kilalra ku tadangane lini, si ngulringau ku nakiketeketeini ki cucungulane lini ka Aberahame, Isake si Yakubu, Wadrele ku tangimiamiane ki swa Iseraylri kituduri, la kakalithi liniane turamuru.

La kawlainga ku tangilribatane, la pacainga ku talialalai ki swa Izipiti, ku swa Iseraylri laka thadalraneana ku kipakwalrialri lini. Kwini lalasu la kitubi ki Twaumase ku apalribulane, kiatubi iniane ku akiparalubane lini kidaili ki kipakwalrialri lini.

Sa kadrawnga kikai vavalake, la iluku iniane pwa ki lalake ki talialalai, kwini lalake ki talialalai ala tukavaga silalake iniane. La iya kai, “Patwaladhaku ki aciacilai malra kai ki vavalake, la tapasi Musi iniane!”

Kwini lalake ki talialalai la kawriva kwini ki ababai, “Iluka kai ki daini la pasikai nakwane lapu iniane, lri tara baadhaku ku tamulrawlravanesu.” Kwini alisu la iluku kwini ki daini, la sirapale lapu iniane.

Ku lalake ka ababai ki talialalai la kela mudrakerale mubanau sikelre; kudra lasasiakawluini la makitu ibabiabila ki drakerale dadadavace. Kwini alisu la kirimu drele ikai adringi ki mawtiririvu ku vaeva ku niwku, la pamwa ki sasiakawluini malra.

Maadrawnga ku Musi, laka tangulatalatadrane lrikape ki sakacekeleini ka swa Hiburu; la drele liniane kipakwalrialri. La ikai ku kingivaalane, la drele ku tangea ku swa Izipiti papacai ki tangea ka sakacekeleini ka swa Hiburu. Ku Musi la masiasirare drele, tali kakadrwa ku umawmase ku wadredredrele la iya, la papacai kwini ki swa Izipiti, si malra kwini kinawmasane dralreke pikai enaenai.