Popular Bible Verses from Tabekacane 50

Share

Napasana kabebetethe numi nakwane, ai ku Twaumase wamalra kwini ngilisiane paakabalrithi tuthariri, pakai ku apalakebane ki niake ki takaalra ka umawmase; ngwalai kwini tangimiane ku paswalaala, kaikameane ala ikai kai takaalra ku waudripiana.

Ku Yusepe la pelaela liniane, “Asingithanga mukuludru, kainaku lri maka atalingikaiyane ki Twaumase.

Kunumi madha mukuludru, lri tara sirapalaku numiane si lalalake numi.” Ku Yusepe arakai ku sulrapelane ku vaga sasa liniane, pakasarwate kwi kidremedreme lini.

wacunu naiane pelaelanga kai niakuvaalane ka vaga, ‘Ku lataka pasalriu muswane, pacepa kwini pasalrivane lini.’ Kunai sasiakawlu nai ki Twaumase ki tamasu; lakamani kwidra, kiatubi nai muswane pacepa ku tapasalrivane nai.” Ku Yusepe sa kilalra kikai vaga la tubi.

Ku Yusepe la iya kai ki labetakaneini, “Lri padaalrungaku si pacai, ai ku Twaumase lri tara sirapale numiane, mailuku numiane katwase kai, mwa kwidra pukawnungaini ki Aberahame si Isake si Yakubu kwini ki kadaengane.”

Ku Yusepe la kiketekete ki swa Iseraylri; kwi lasu amia kai, “Lu iluku ku Twaumase numiane papia kwini ki kadaengane yai, lri iluku numi kai culraleli.”

Wapacai ku Yusepe satara 110 ku cailini. Kwi lalasu la arakai ku sapalakebane ka sasulravane padelreme ki kinawmasaneini, la pudringai pwa ki varukuru si pikaai Izipiti.