Popular Bible Verses from Yuhani 19

Share

Ku Yesu sa palalavanga, la iya kai, “Ngiamianga!” Kwi lasu la lrwingi ku awlruini, si karetege ku niake pacai.

Wathingale ku Yesu ala ka ngiamianga patuelre ku awngane, pakai ku angimiane ku taiyane ki Sisiu, la iya kai, “Makadhamaku.”

Ku Yesu sadrele acegecege ithili ku tinaini si kadalameini ka situ, la iya kai ki tinaini, “Ina, drela, lalakesu!” La pacungulu, iyanga kai kwini ki situ, “Drela, tinasu!” Twalainga kwini, kwini situ la ililukunga ki tina ki Yesu paikai ki daaneini.

Kwi lalasu sa mwanga deethe ki Yesu, la drele iniane ka wapacainga, la kai pakacelranga ku drapaleini. Ai, yakai ku tangea ku kwapingi ku ara idiri culrulu pakai ki tali cigianeini, la makakaai kainganai mwaludru ku erai ka acilai.

Asi lwiyane lri ngimia ku taiyane ki Sisiu, “Ku culraleini kadrwa ku navaevanga ku lri kacelra.” La ikaiyana ku taiyane kai ki Sisiu, “Kwi lalasu lri paswabelenge drele kudra ara idiri lini culrulu ka umawmase.”

Ku Yesu sa kainganai ulatadre, waangeale ku ziwzikaini, sa kelanga ki “Awlru ka lrelrelrege” (Gulugutha amia ku vaga ki swa Hiburu).

Ku kwapingi la arakai ku cecenekane ka angatu tutawpu, si pasitawpu iniane, la pasilaimai iniane ku thilalatadhane.