Popular Bible Verses from 哈該書 1

Share

這下𠊎 — 上主、萬軍个元帥愛你等反省自家个行為。 你等委種多，總係收成少；你等有飯食，總係食毋飽；你等有酒啉，總係啉毋罅；你等有衫著，總係著毋燒；做工賺到个錢，總係毋罅生活 。

這下你等愛上山取樹料，來起聖殿；恁樣，𠊎就歡喜，又得到尊榮。這係𠊎 — 上主講个。 「你等望豐收，結果收成少；收成帶轉屋下，𠊎一歕就無半些。𠊎 — 上主、萬軍个元帥愛問：麼介理由呢？因為𠊎个聖殿荒涼，總係你等全部為到自家个屋舍無閒直掣。