Popular Bible Verses from Chakruok 39

Share

To Ruoth Nyasaye ne ni kod Josef, mi noguedhe e yorene duto. Nodak e od ruodhe ma ja-Misrino.

Potifar noketo gik moko duto e lwet Josef, kendo ne ok odewo rango gimoro kata achiel mak mana chiemo mochamo. Josef na nigi chia, kendo ne ojaber.

mokete jatend joma otwe duto. Kamano Josef norito gik moko duto mane gitimo.

Nomako Josef, moketo kama itueyoe mabuse mag ruoth, mi nobet kanyo. To kata Josef nobedo e od twech kamano, Ruoth Nyasaye ne ni kode, mokeche, omiyo jaduong’ od twech nohere

Bang’ ndalo moko, chi ruodhe norange ka gombe, mowachone niya, “Bi mondo iriwri koda.” To Josef nodagi, mowachone niya, “Ruodha ok ong’eyo gimoro amora manie ode, kendo oseketo gik moko duto e lweta. Osemiya teko marom gi mare e ode, kendo ok osetuona gimoro amora mak mana in, to nikech in chiege. Koro, ere kaka danyal timo richo machal kamano, kabedo jaketho e nyim Nyasaye?”

Chieng’ moro Josef nodonjo e ot mondo oti tije kaka pile, to jotich duto mag odno ne onge. Eka chi ruodhe nomake gi lawe, mowachone niya, “Bi iriwri koda!” To Josef noweyo lawe e lwete, moringo owuok oko.