Popular Bible Verses from Yohana 19

Share

ũYesu pĩna nuukopa umubinio namukalĩ nuũga, “Yakondaa.” Nusũnĩnkĩlia ityũe, nutiĩka ĩnkolo.

Pembele ũYesu pĩna numana kĩna tũlũ zakondagiguaa uwandĩkua utimĩĩligue, nuũga, “Nakolua noota.”

ũYesu pĩna numuona unina numumanigua naalumuloilue wĩĩmĩkile piipĩ, numuĩĩla uniina, “Maau, laaa umuana waako.” Paapo numuĩĩla umumanigua, “Laa umaau waako.” Kwipũna lĩĩlo tyũngo umumanigua nuasio numutuala kumuakue.

Pĩna naamuagaana ũYesu, naaona wakiaa; sika naaũna ĩmĩgulu yaakue. Ĩpa mwĩlaasi umuĩ numusoma ndilima mulualũ, ĩkamuĩ nĩpũna mĩgali nĩmaazĩ.

Izi alĩ zigyelĩĩle, uwandĩkua utimĩĩligue, “Lĩkutilĩ ikyũpa liakue nalijiliũnangua.” Kangĩ uwandĩkua nawĩngĩ uũgile, “Ijile kumulaaa uzo naalĩ amusomile.”

nwĩkenkelia umusalaba waakue, nuenda pana yukuĩtagua Nungulu iTyũe, kuKĩebũlania, Goligota.

ĩĨlaasi naataa ngala ya miigia, naamujiala mwityũe, naamujiala ĩntiila nankasũkũ.