Popular Bible Verses from Matayo 28

Share

Luulo gua, lendĩ muzitende indugu tũlũ zensi zitũle amanigua, ĩmukuabadĩĩzia muliina lya kĩTata, nĩlya Muana, nĩlya Muau Muelu; ĩmukuamania aziambe tũlũ zensi naalĩ numulagĩlĩĩlie inie. Laaa ĩne nkoolĩ palumuĩ niniinie intondo tũlũ zensi, sunga kumpelo ya unkũmbigyulu.”

ũYesu nuaagaana, nuĩ kuatambuĩla, nuũga, “Napeegaguaa uusũũmi tũlũ wensi kwigyulu numuna nsĩĩ.

uMalaĩka nuashookeelia, nuaĩĩla ĩasungu, “Lekioopokĩ inie, kuitĩ manile kĩna mukumudũũma ũYesu naalĩ mukononteelue mumusalaba. Ukutilĩ munu, kuitĩ wiiukaa kĩna aluũgile. Nzuĩ muone pĩna azugonile ũShekulu.

Paapo ũYesu nuaĩĩla, “Lekioopokĩ; lendĩ muaĩĩle ĩanũna aane ende kũGalilaya; kuuko ikimona.”

Naĩlundĩĩla palumuĩ nĩanampala, naakomia ĩkialo, naapeela ĩĩlaasi mpiia ningĩ, naaũga, “ũgĩ, ĩamanigua muutiku amũia, ishie pĩna aza kugonile. Kanga ziigigue numutemi, kukakumupeepeelia mulekiligia uukunkunali.” Naazishola impiia, naatenda kĩna alĩ amanigue. Nulukaani ulu nalusapatĩla muAyahũdi sunga nantende.