Popular Bible Verses from Avaefeso 5

Share

Pakuva mwivana va Nguluvi avende, luvavaje muvelage ndawe lweiwali umwene. Mugendelage uwende, ndawe Kilisito lweatwendite, neke itawule yumwene ave kitawulwa cha inambika iyinung'ilila wunofu na iyikumunogela Nguluvi.

Sweno, mwikomalilage lwe mwigenda: mulikala ndawe avapuva, pesi ulwa muvelage ndawe vanu avasugu. Mwikomalilage hilo lwe mukugipigila imisika pakuva ifilo ifi fya uwanangifu.

Mulemwage ukugaala idifai pakuva iyo yivayusa, lino mumemage Umuhe Umwelu. Muvelage mwitinakisa mung'ani isa mu Sabuli, nzimbo na uwimbe wa munumbula, mumwimbilage Umutwa inzimbo na sa musabuli kono we mukumulumba munumbula senyu. Mumulumbage Nguluvi Dada mbepali ukwimila mbesili mwitawa lya Umutwa vetu Yesu Kilisito.

Sweno, mulava mwivapuva, neke mugelage ukulukagula lula lweiwenda Umutwa.

Nayinyenye nye vagosi, muvendage avenyu ndawe Kilisito lwe alyendite ilikanisa, neke itawulage yumwene ave nambika ukwimila likanisa.

Pamwandi nyenye mwe mulwisa, neke lino nyenye mulimulung'ali kwa ukuhanga na Umutwa. Sweno mwikalage nda mwivana va ulung'ali

Yeyeavesaga munu avelage na ichoga kumuyagwe ukwimila ukumogopa Kilisito.

Avang'inetu vavelage na ichoga ku vanu vawo ndawe lwe vakumogopa Umutwa.

Neke kangi sidonya na kwa nyenye: umugosi yeyeavesaga lumuvaje avelage na ichoga ku munu vakwe.

Ndawe Uwandike Uwelu uwitigila, “Sweno, umugosi amuleka udade na uyuve, abaning'ana na uvakwe nawo ndawe vavili vava muvili gumwi.”

Mulahanga mu fipigo fyesifiveleka ifya mulwisa, pesi ulwa mufivikage pawelu.