Popular Bible Verses from Enkiterunoto 50

Share

Ore te intae, naa entorroni apa kiyiewuakiki; kake eitaa ninye Enkai esidai, pee etum aitopuaa iltung'ana kumok anaa enatiu ena olong.

Kake etiaka Yosef ninche, “Emiureishoyu, katii nanu ewueji e Nkai?

Metaa emiureishoyu; kaisho intae eretoto tenebo o nkera inyi.” Neijia eikuna aitisipaki ninche neitagol ninche.

‘Entiaki Yosef, tapalaki, aatasayia enkitarruorroto oo lalashera linono o engoki enye, amu kintaasa ninche iyie entorroni.’ Ore naa taata, kisai iyie, tapalaki inkitadiaat oo sinkan le Nkai e papaai lino.” Neishir Yosef pee eirorie ninche ninye.

Nejoki Yosef ilalashera lenyena, “Etaa kaye, kake kelotu Enkai amutan intae, nelotu aitayu intae aitung'uaa ena kop arik intae enkop nainosakinye Abraham olmumai, o Isaak o Yakobo.”

Nenya Yosef olmumai too layiok le Israel ejoki, “Kemutan intae Enkai, naa entanap iloik lainei entung'uai ena kop.”

Metaa eirure Yosef, aa oloo larin iip o tomon te moruao; neitobir ninche osesen lenye pee mengueyu, nepiki osesen lenye osanduku te Misiri.