Popular Bible Verses from Mithali 15

Share

Jawabu la upole hugeuza hasira; Bali neno liumizalo huchochea ghadhabu.

Kumcha BWANA ni maonyo ya hekima; Na kabla ya heshima hutangulia unyenyekevu.

Ulimi safi ni mti wa uzima; Bali ukorofi wa ulimi huvunja moyo.

Pasipo ushauri mipango vuhunjika; Bali kwa wingi wa washauri huthibitika.

Moyo wa furaha huchangamsha uso; Bali kwa huzuni ya moyo roho hupondeka.

Macho ya BWANA yako kila mahali; Yakimchunguza mbaya na mwema.

Kuwa na mali chache pamoja na kumcha BWANA; Ni bora kuliko mali nyingi pamoja na taabu.

Mtu wa hasira huchochea ugomvi; Bali asiye mwepesi wa hasira hutuliza mashindano.

Moyo wa mwenye haki hufikiri jinsi atakavyojibu; Bali kinywa cha wasio haki humwaga mabaya.