Popular Bible Verses from Luka 6

Share

Wu pǎ, sǝ à nǝ̀ pa wun gbal. Kārè mǝɓoarne mǝnana à pàrrí, sǝ à dǝkǝri kǝ sukki ka, nda à nǝ̀ sola wun ngga. Acemǝnana tasau mana wu kārǝia aɓwana nǝi ka nda à nǝ̀ kārǝa wun nǝi ka.

Ɓwa mǝɓoarne ka, mǝɓoarne mǝnana lumsǝ ɓabumi ka, nda kǝ puro a kuni ka. Sǝ ɓwa mǝɓane ka kǝ pusǝ mǝɓane mǝnana lumsǝ ɓabumi ka. Gir mǝnana lumsǝ ɓabum ɓwa ka, nda kǝ pur a kuni ka.

Wun ngga, wu earce aɓi wun amǝbura, wu pakkia wia mǝɓoarne. Wu pea wia tangna, sǝ wu kǝa tsǝkɓalǝu ama à nǝ̀ mbwe wun ɗang. Sǝ tangnakusǝ wun nǝ̀ gulo, sǝ wu nǝ̀ duk amuna mala Tar wun Ɓakuli mǝnana Karban nǝ Gulo kat ka. Acemǝnana yì ka, kǝ lǝmndǝ ɓwamuru male, ko aban amǝtǝmbu andǝ amǝ'ɓealɓikea.

Wu duk amǝ sǝn mǝsǝswatǝr, kǝla mǝnana Tar wun ngga ndanǝ mǝsǝswatǝr ka.

Wu kǝa wu sǝn cauɓikea mala aɓwana ɗang, sǝ wun gbal ka à pà nǝ̀ sǝn cauɓikea ma'wun ɗang. Wu kǝa ɓashi aɓwana ɗang, sǝ à pà nǝ̀ ɓashia wun gbal ɗang. Wu twalbani, sǝ à nǝ̀ twala wun banì.

Sǝa ma ǝn nggǝ bangga wun, wun mǝnana wu kǝ oem ngga: Wu earce aɓi wun amǝbura, aɓwana mǝnana à kǝ ɓinǝ mǝsǝ wun ngga, wu pakkia wia mǝɓoarne. Aɓwana mǝnana à kǝ su wun ngga, wu tsǝkia wia bu. Aɓwana mǝnana ce wun kǝ shiria ka, wu pakkia wia hiwi.

Pakki aɓwana gir mǝnana a kǝ earce ama ɓǝa pakko ka.

Ɓǝ̀ ɓwa kweo a takiro ka, pǝlǝi wi ɓe takiro gbal. Sǝ ɓǝ̀ ɓwa ak nggea daura mo a rǝo ka, ce a ginǝi wi ɓǝ̀ twal muna-daura mo ɗang. Ɓwa mǝnana kat zǝmbǝo ka, pe wi. Sǝ ɓǝ̀ koyan twalgir mǝnana mona ka, kǝa na ama a nǝ é ɗang.

Nggun mǝɓoarne pà nǝ̀ pusǝ ɓǝle mǝɓane ɗang. Sǝ nggun mǝɓane pà nǝ̀ pusǝ ɓǝle mǝɓoarne gbal ɗang.

Koya nggun ngga à kǝ surǝì arǝ ɓǝle. Aɓwana kǝ tūki ɓǝla-vwari arǝ nggun-zwe ɗang, ko ɓǝla-nɓau aɓalǝa ankwarki ɗang.