Popular Bible Verses from Mat 27

Share

Nɩɩ kerefi asa maŋa tɔ mʋ, Yesu kuusi kenken yɛ, “Eli, Eli lamaa sabatani?” Ɩmʋ kasɛ ɩ gyɛ yɛ, “Mɛ‐Sɛ, mɛ‐Sɛ, mɩnɛ ɩ waa nɩɩ fu kina mɛ?”

Kanɩn saŋa maŋa kɩtaa kunsa mʋ nɩɩ kɩ barɩgɛ kabwaarɛ‐sunkpa ayɛ mʋ tɔ mʋ, kyatɛ tɔ anyɔ lɩɩ sʋsʋ ba yii kasɛ. Nɩɩ kasɛ gyingyen, nɩɩ afʋlɛ ɩ baaŋɛ tɔ. Nkyan i bugi‐bugi tɔ, nɩɩ Ɩbwaarɛ asa mʋ nɩɩ ba wu mʋ, gaalaagaa ba kyiŋi ba nkpa tɔ.

Yesu maa bɩla kuusi kenken mʋ, ɔ tɩn ɔŋɛɛ.

Anaakɔpʋ kɩlɩfa ɔbɩlɩsa yɛ bamʋ nɩɩ ba bʋ mʋ asɛ bee kun Yesu mʋ, ba maa wu kasɛ maa gyingyen, yɛ ɩmʋ nɩɩ ɩ waa maŋa kpini mʋ, kufuu kɩ kɩtaa bamʋ gaa, nɩɩ ba tɔwɛ yɛ, “Kesintin tɔ, ɔ kyɩna ɔ gyɛ Ɩbwaarɛ mu‐Bii nɩn!”

Lɩɩ kyɔwɛ amu nsana naa fʋʋ kalaatɩpwɛ kerefi asa tɔ mʋ, kitentenbiri bun ɔsʋwʋlɛ sʋ kpini.

Nɩɩ Paleti taasɛ bamʋ yɛ, “Mɩnɛ nɩɩ n waa Yesu mʋ nɩɩ bɛɛ tɩɩ mʋ yɛ Krisito mʋ?” Nɩɩ bamʋ kpini ba lɛɛ kɔnɔ yɛ, “Da mʋ mata oyu laasa sʋ.” Nɩɩ ɔ bɩla taasɛ bamʋ yɛ, “Mɩnɛ sʋ? Mɩnɛ alibi nɩɩ ɔ waa?” Amaa ba lɔŋɔ kuusi kenken tii sʋ yɛ, “Da mʋ mata oyu laasa sʋ!”