Popular Bible Verses from Jɔɔnn 12

Share

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Tɔn, daanɔ nba loon u manfoor ki gar wa loon min Yisa biaŋinba, u sa kɔŋ u manfoore; ŋaan daanɔ nba loonin ki gar wa loon u manfoor biaŋinba tingbouŋ na ni na, ŋɔɔe kan boon u manfoori; li tan sii tee manfoor nba kaa gbennue.

Barmɔniie ki n beeri na, li-i tee ki bi bur dibinn tiŋ ni, li tuu piae, ŋaan ki dibinn na-n kpo. Li poorpo dibinn na-n kpaat, ŋanne ji tuu te ki lin nan dii bonchiann. Ŋaan li-i tee ki bi ki bur dibinn maŋ, li kan kpo, ki bia kan nan; li sii tee dibinyenne.

N baar tingbouŋ ni na ma mii tei yentir niibe, ki daanɔ nba teenin yada, u kan biar bunbɔnn ni.

Ki bia jenna, wunba gbat n maan na, ŋaan ki saki, min kaa sa bu u buuti, kimaan n ki baar tingbouŋ na ni ma n tan bu niib buut kaa, ŋaan n baar ma n tinnibe.

Ki Mari jii tulaarii saama, linba yaa daauk paar bonchiann. Bi din jii faat nba ki bi yir naade ki teen tulaarii maŋ; ki u jiir ki but Yisa taa paak, ŋaan soor u mɔŋ yut ki fiar fiar; ki ŋaak na ji nubir nan tulaarii na gbimm.

Ki bi ji ŋat biabfaat ki chet a bin tookɔ, ki yikin wuyikinii sanpaapowa ki yaa a “Hosana, ti Yomdaanɔ, tintit mɔtana. Yennu mɔsonŋann-ii be daanɔ nba baat nan ti Yomdaanɔ Yennu sann ni. Yennu-n teen u mɔsonŋann timm Israel teeb kpanbar paak.”

Ki Yisa betib a “Yoo nba ki Yennu sa donn nisaarik Bik na sanpaapo na baar na.