Popular Bible Verses from Luk 17

Share

Ŋanne ki u bet jɔɔ maŋ a “Fiit kii saa. Fa teenin yada na paake te ki a la paaku.”

Li-i tee ki u tun ki biira taar munnlore daar nɔɔk ni, ŋaan tuu baar a boor ni taar munnlore ki yaa a u biira, fan nyik chabɔ.”

Ki bi yenɔ nba bann nan u ŋaauk gbenn na, ki u ŋmat Yisa peŋ ki saa pak Yennu nan kunkɔsaakar, ŋaan baar gbaan funfabir Yisa tɔɔnn ni ki turɔ niipoouk; ŋaan jɔɔ maŋ din tee Samaria nirɔe.

Soot i mɔŋ! “A naa bik-i tun bonbiir, fan kpaanɔ; ŋaan li-i tee ki u yaa a u biira, fan nyik u biit ki chabɔ.

Ki Yisa din boi a “Niib piik kaa bo la paaku-uu? Ŋaan ki niib bannyia na be lia?

Ki u jiin ki yetib a “Li-i tee ki i bo mɔk yada ki li yab ki baar nan jinjirik binn na, i bo tuu sa fit ki yet kpiik na, ‘Ŋabit a mɔŋ ki saan wuu mɔkgbeŋŋir ni,’ ki kpiik maŋ sa sak i mɔb ki set ŋabir.

Tɔn, wunba ki saak wun likin u saaŋmaŋ n paak, u tan sa kɔŋ u manfoor; ŋaan wunba likin u saaŋmaŋ n paak, ŋɔɔe tan sa la manfoor nan barmɔnii.

Li yoo maŋ ki Yisa yet u poorpoweiteeb a “I daa dukii nan jinjammii kan baari; ŋaan li sii bi ki teen wunba te ki jinjammii baat niib paak. Bi-i bo-i jii naar ki lann u turu ni ki lu-u mɔkir ni, li bo sii sɔ nan wa bo sa te ki waas na yenɔkɔɔ-n tun toonbiit.

Nowa yoo nba din tee biaŋinba na, li mun bia tan sii tee nnee min nisaarik Bik baaru yoo. Nowa yooe ki bi din di jeet ki nyu, ki kɔɔnt poob, ki jikit bi waas ki teemm jab, ki tan tuu daar nba ki Nowa din kɔɔ ŋarungbeŋŋir ni ŋaan nyikib; ki nyunchiauŋ baar ki dii bi kura.