Popular Bible Verses from Yohane 13

Share

Ndzi mi nyika nawu lowuntshwa ndzi ri: Rhandzanani! Kukotisa leswi mina ndzi mi rhandzeke, rhandzanani na n'wina. Hinkwavo va ta tiva leswaku mi vadyondzisiwa va mina, loko mi rhandzana.”

Kutani ke loko mina, Hosi ya n'wina ni Mudyondzisi wa n'wina, ndzi mi hlambisile milenge, na n'wina mi ta fanela ku hlambisana milenge, hikuva ndzi mi vekele ntila, leswaku na n'wina mi endlisa leswi ndzi nga endlisa swona eka n'wina.

Yesu a n'wi hlamula, a ku: “Leswi ndzi swi endlaka a wu si swi tiva sweswi, kambe u ta swi twisisa endzhaku.”

Ndzi tiyisisile ndzi ri ka n'wina: Nandza a hi nkulu eka n'wini wa yena, ni murhumiwa a hi nkulu eka loyi a n'wi rhumeke.

Loko mi tiva swilo leswi, mi tlhela mi swi endla, mi ta va mi katekile.

a suka a yima eku laleleni, a susa xifunengelo xa yena, a teka nceka, a tikhama ha wona. Kutani a chela mati enkambaneni, a sungula ku hlambisa vadyondzisiwa emilenge, a yi sula hi nceka lowu a tikhameke ha wona.