Popular Bible Verses from Genese 22

Share

Tapa iorā Aberahama i te ingoa o taua ngai ra, Iehova-Ire; koia tei tuatuaia ra i teianei e, Ei te maunga o Iehova e kiteaʼi.

E kua tuatua maira aia, Ka rave i taau tamaiti i tenana, i taau tamaiti okotai ra ko Isaaka, taau e akaperepere na, ka aere ki te enua ra kia Moria, ka apai mai ei iaia i reira, ei atinga karakaratio ki runga i tetai maunga taku e akakite atu kia koe.

Kua tuatua maira aia, Auraka koe e tuku ua atu i to rima ki runga i te tamaiti, auraka roa e rave ua atu iaia, kua kite oki au i teianei e, e mataku toou i te Atua, ko koe kare i karapii i to tamaiti, i to tamaiti okotai roa ra, iaku.

Kua karanga aturā Aberahama, E taku tamaiti, na te Atua uaorai e kimi i tetai mamoe, ei atinga karakaratio. Aere ua atura raua katoa.

E akameitaki roa au ia koe na, e akamaata rava au i toou uanga, mei te etu o te rangi ra, e mei te onetea i taatai ra; e ka rauka te ngutupa oire o to ratou au enemi i toou ra uanga; E ka meitaki te pa enua katoa o te ao nei i toou ra uanga; ko koe i akarongo mai i toku reo nei.

E I muri ake i te reira au mea, kua timata te Atua ia Aberahama, e tuatua maira kiaia, E Aberahama e. E kua karanga atura aia, Teia au.

Kua kapiki maira te Angela a Iehova i runga i te rangi kiaia ra, na ko maira, E Aberahama e, e Aberahama! Kua karanga atura aia, Teia au.

E kua kapiki maira te Angela a Iehova kia Aberahama i runga i te rangi ra, ko te tu rua ïa, Na ko maira, Te tuatua nei a Iehova, Kua taputou au iaku uaorai, no te mea kua pera mai koe, e kare akenei koe i karapii i to tamaiti, i to tamaiti okotai roa ra, iaku

E tae atura raua ki te ngai i akakiteia mai e te Atua kiaia ra; kua patu iorā Aberahama i tetai atarau i reira, e kua paata marie iora i te vaie, kua ruru atura i tana tamaiti ia Isaaka, kua tuku atura iaia ki runga i taua atarau ra ki rungao i te vaie ra.