Popular Bible Verses from Ioane 12

Share

Ko tei anoano ei tavini aia noku ra, ka aru mai ïa iaku; e te ngai taku e noo ra, ei reira katoa taku tavini; e kia tavini tetai tangata iaku ra, na toku Metua e o mai i tana tutaki.

Ko tei anoano ua ki tona ora, ka ngere ïa i te ora: ko te kore e anoano i tona ora i teianei ao, ei ora mutu kore tona ra.

Tika, tika tikai taku e karanga atu kia kotou, Kia tukuia tetai ua sitona ki raro i te one, kia kore e mate ra, kua vai tai ua ïa; kia mate ra, kua maata atura ïa te uua anga.

I aere mai ei au i te ao nei ei mārama, kia kore tei akarongo mai iaku ra kia noo ua i te poiri.

Kia kite ra te tangata i taku ra tuatua, e kare i akarongo ra, kare ïa ko au te akaapa iaia: kare au i aere mai e akaapa mai i to te ao, e akaora ra i to te ao.

Kua rave akerā Maria i te manongi narido okotai paunu, e mea apinga maata, kua akatainu iora i te vaevae o Iesu, e orei atura i tona vaevae ki tona rauru: ki akera te are i te aunga o taua manongi ra.

Kua rave akera i te kikau nu tamara, aere atura kia aravei atu iaia, e kua kapiki atura, Osana! Kia ora na te Ariki no Iseraela, ko tei aere mai ma te ingoa o te Atu!

Kua karanga aturā Iesu kia ratou, na ko atura, Kua tae ki te ora e akakakāiaʼi te Tamaiti a te tangata nei.