Popular Bible Verses from Ioane 14

Share

E au taku e vaio ia kotou nei, ko taku nei au taku e o atu no kotou: kare mei ta to te ao oronga, taku oronga ia kotou. Eiaa e taitaia to kotou ngakau, auraka oki e mataku.

Kua karanga aturā Iesu kiaia, Ko au te mataara, e te tuatua-mou e te ora; kare ua e tangata e tae ki te Metua ra, mari ra ei iaku.

AURAKA e taitaia to kotou ngakau: ka akarongo i te Atua, ka akarongo katoa mai iaku.

Na te Akapumaana ra, na te Vaerua Tapu, ko ta te Metua e tono mai ma toku ingoa, nana e apii mai ia kotou i te au mea katoa, ka akakite akaou mai oki kia kotou i te au tuatua katoa, taku i karanga atu kia kotou na.

Tei iaia taku au akaueanga, e kua akono aia i te reira ra, koia tei anoano mai iaku; e tei anoano mai iaku ra, ka akaperepereia mai aia e taku Metua ra; e ka akaperepere oki au iaia, e ka akakite oki au kiaia iaku uaorai.

Naku oki e pati atu i te Metua ra, e nana e oronga mai i tetai Akapumaana ia kotou, kia noo tikai ki o kotou nei e tuatau ua atu; Ko te Vaerua tuatua-mou ra, ko tei kore e ārikiia mai e to te ao nei, no te mea kare i akara iaia, kare oki i kite iaia: ka kite ra kotou iaia, e noo tikai oki aia ki o kotou nei, e ei roto oki ia kotou.

Ko ta kotou e pati ma toku ingoa, naku ïa e rave, kia akakakāia te Metua i te Tamaiti. Ko ta kotou e pati ma toku ingoa, ka tika ïa iaku.

Kua anoano kotou iaku ra, ka akono i taku ra au akaueanga.

Manganui te nooanga tikai i te are o taku Metua ra: naringa kare ra, kua karanga atu au kia kotou. Te aere nei au e akamanea i tetai ngai no kotou.

E kua oti anake i te akamaneaia e au ra, ka oki mai au, e arataki ia kotou ki oku ra; ei reira katoa kotou, i te ngai e nooia e au ra.

Kua tuatua mairā Toma kiaia, E te Atu, kare matou i kite i tenana ngai taau e aere na; eaa oki matou e kite ei i te mataara?