Popular Bible Verses from 1 Коринфтегилерге 15

Share

Анайдарда, сӱӱген карындаштарым, кӧп иштеп јӱргенигер Кайракан алдында калас эмезин билип, турумкай болыгар, јана баспагар, Кайраканга иштеерине бастыра бойыгарды беригер.

Је Кудайга баш, Ол биске Иисус Христос Кайраканыс ажыра јеҥӱ берген.

Аспагар! Јаман колбулар кижиниҥ јакшы кылык-јаҥын ӱреп јат.

Је Кудайдыҥ јакшылыгыла мен эмди кем, ол болорым. Оныҥ меге эткен јакшылыгы темей болбогон: олордыҥ ончозынаҥ кӧп кӱчимди салып иштегем. Мен де эмес, мениле кожо болгон Кудайдыҥ јакшылыгы иштеген.

«Ӧлӱм! Сениҥ чактырмаҥ кайда? Таамы! Сениҥ јеҥӱӱҥ кайда?» Ӧлӱмниҥ чактырмазы – кинчек, кинчектиҥ кӱчи – Јасактаҥ.

Угыгар, слерге јажытты айдып турум: ончобыс ӧлбӧзис, је ончобыс кубуларыс – кенетийин, бир элесте, калганчы амыргы ӱндензе. Амыргы ӱнденер, ӧлгӧндӧр чирибеген бойлоры тирилер, бис кубуларыс.

Ӧлӱм кижи ажыра келгени чилеп, кижи ажыра ӧлгӧндӧр дӧ тирилер. Ончо улус баштапкы кижи Адамла бир болуп ӧлӱп турганы чылап, ончозы Христосло бир болуп тынданар.

Чирип калары чирибези боло берер, ӧлӱмдӱзи ӧлбӧс боло берер учурлу.

Ол ончо ӧштӱлерди Бойыныҥ буды алдына салбаганча, каан болуп башкарар. Калганчы ӧштӱ – ӧлӱм, јоголтылар.