Popular Bible Verses from Gelip çykyş 49

Share

Şalyk hasasy Ýahudanyň elinden düşmez, onuň nesilleri şalyk sürer elmydam, Ol Şilo geler, milletler oňa boýun bolarlar.

Ýusup bir miweli agaçdyr, bulak başyndaky miweli daragtdyr, şahalary diwardan aşýar. Ýaýçylar gazap bilen hüjüm etdiler Ýusuba, ony atyp, yzyndan kowdular onuň.

Emma Ýakubyň Gudratly Hudaýy, Ysraýylyň Çopany, Gaýasy tarapyndan onuň ýaýy berk, gollary gujurly edildi. Ataňyň Hudaýydyr saňa medet berjek, ýokardaky asmanyň bereketleri bilen, ýer astyndaky çuňluklaryň bereketleri bilen, ene göwsi hem ene ýatgysynyň berekedi bilen Gudratygüýçli Hudaý ýalkajakdyr seni.

Eý, Ýahuda, eliň duşmanlaryňyň ýakasynda bolar, doganlaryň seni öwerler, ataňyň ogullary saňa boýun egerler. Eý, oglum Ýahuda, sen aw awlap, awuny iýip, dolanyp gelen şir balasy kiminsiň, sen şir dek, ene şir dek çökýäň-de ýatýaň. Şiri ýerinden gozgamaga milt edýän ýokdur.

Eý, Ruben, meniň nowbahar oglum, güýjüm-kuwwatym, jahyllyk çagymyň ilkinji miwesi, hemme ogullarymdan iň mertebelisi we iň güýçlüsi sensiň. Suw kimin durnuksyzsyň sen, indiden beýläk mertebäň belende galmaz seniň, çünki sen öz ataň düşegine geçip, ony harama çykardyň.