Popular Bible Verses from Johan 14

Share

“Nang ce bälung awng derui saite Kai ma khai pa dy. Kai üng awngneng saite nang ce tea py dy. Älawng üng khimi na lä hini awngneng saite py haw y. Nang ce lä bälungbi ö hang. Ri ö hang.

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Isu ma “Nang ce lä bälungbi ö hang. Säthaw tea phai yng ö. Kai tea la yng ö.

Pä-ai lä kai üng ämüng hai-a, nang ce tähang mätaw saite säbawng te Kung, Muilaw Käcai lä, nang ce tea angxynlyng na mätu pa ai. Kai thui pyng te na sädi dang hai ai mang.

“Kai üng särilo thai kha tängai saite khimi na lä, kai tea bälung aevaw ö te dy. Kai bung bälung aevaw saite khimi na tea lä, Pä-ai la bälung aevaw by vi ai. Kai la äni ce tea bälung aevaw kha kai ma khekhe äni ce tea aetüng hai pa vi ai” näkha näpa.

Kai lä Pä-ai tea mäkai kha nang ce hai mangtä awng jawjaw hethang säbawng saite Kung lawgtä bung mätaw ai mang. Äni lä Säthaw phüng mitang-a aetüng pa saite Muilaw Käcai vi. Älawng üng khimi na lä honi Muilaw Käcai bung bälung thung-a mäkung haw y. Nung y kha äni bung mäny ö y. Tungaila nang ce üng bälung thung-a hini Muilaw Käcai awng jawjaw te phüng-a, nang ce lä äni bung mäny te vi.

Kai üng ämüng hai-a nang ce mäkai te kätyng kai ma sa py ai. Tukha hini kätyng Cäpaw hai-a Pä-ai üng phung-ang lä aetüng vi ai. Nang ce lä Kai üng ämüng hai-a, ätete hae haetä mäkai saite na Kai ma sa py ai mang.

“Nang ce ma kai tea bälung aevaw dylä kai üng särilo na nang ce tängai hethang kae.

Kai üng Pä-ai ing-a awng nae mityng awng mang. Awng nae mityng awng mang y kha lä Kai thui y vi ai dy. Nang ce tähang mityng sa rüng hethang Kai ly ai rawng.

Kai ly kha nang ce tähang mityng sa rüng pyng-a, Kai ly haile tyng ai rawng mang. Kai awng saite mityng-a awng hethang nang ce bung la Kai ma ka haile ai rawng mang.

Thawmae ma “Areng ä, nang ly saite mityng kai ce lä mäny y. Ätemakä sa kha honi lolang bung kai ce mäny haw ai mei” näkha düng pa.