Popular Bible Verses from Johan 19

Share

Isu lä honi Cäpje tui käthaw nei pyng ea “Äte angxynlyng na lä khüng vi dy” näkha thui pa. Tupyng-a Isu lä älö heng kha dü pa vi dy.

Honi kätü-a äte angxynlyng na lä khüng dy näte Isu lä mäny dy. Tupyng-a Caekäcai thung-a tärü te kätyng “Kai tui aehe vi” näkha näpa.

Isu lä änä-awi üng äteng-a äma bälung aevaw saite äkähui lawngtä aedaw te nung pa. Tukha Isu ma “Ä-awi ä, hini lä nang üng cäpaw dy” näkha näpa. Tupyng-a äkähui tea “Hini lä nang üng nä-awi dy” näkha näpa. Honi käni üng hai äkähui lä Maeri bung äma üng ing-a nähai kha awng hai pa dy.

Tungaila reisae na lä Isu tea tyng ea Isu lä dü pyng pa te nung kha äkho-a thingbyng hai mäkhae pa y. Tungaila reisae lawngtä ma Isu üng mäna-a täri hai thung kha qengtäma äthi hai tui lä tho pa vi dy.

Caekäcai cungrü hai hethang tähang-a, hini na tyng te vi dy. Caekäcai thung-a lä “Äni üng ähu haetä la aekhy hang sy” näkha tärü te vi. Äkälang Caekäcai thung-a lä “Äni ce lä äma ce ma täri hai thung saite tea kheng ö vi ai” näkha awng pa te vi.

Isu lä Älökorö näsaite mityng-a ly kha äma üng thinglang hai aepö dy. Honi mityng tea Hebärai lo hai “Kolakota” näkha näpa.

Reisae na lä angling cangpre täkui kha sanphrang lökhu kätyng Isu üng älö-a aekhu hai pa ö. Tupyng-a kä-o kangthing Äni tea bälawng pa vi.