Popular Bible Verses from Johan 6

Share

Isu ma äni ce tea “Kai lä Kähing py saite Täkaw vi. Kai tea ly saite na lä manila äjo aelang y ai dy. Kai tea yng saite na lä manila tui aehe y ai dy.

Säthaw üng Muilaw lä kähing py te vi. Khimi ce üng aethaw hai äte haetä la sa haw y. Kai thui te lo hai-a nang ce lä Säthaw üng Muilaw dang te vi. Honi Muilaw ma nang ce tea hing te py te vi.

Aekang y saite käcakänei na tähang aethawsa ö y ma. Dungtäsa kähing py saite käcakänei na tähang aethawsa ö. Kai, Khimi üng Cäpaw, ma nang ce tähang hini käcakänei na py ai mang. Ätephüng-a mei nädylä kai üng Pä-ai Säthaw lä kai tea bälung kähawi mätü king te vi dy” näkha näpa.

Äcäpaw bung nung kha yng saite khimi angxynlyng na lä dungtäsa hing te dang hethang Pä-ai lä ngai te vi. Kai ma äni ce bung kangkhüng üng käni-a lä aetha ö hai tyng pa vi ai” näkha näpa.

Isu ma “Säthaw üng kängai saite kälu lä äma mätaw saite Kung tea yng hethang kae vi” näkha näpa.

“Ä-ai ma kai tähang py saite khimi angxynlyng na lä kai tea ly ö vi ai. Kai tea ly saite khimi na bung lä kai ma mäkung jawjaw ai.

Simon Peterae ma “Areng ä, kai ce lä ämi tea ly ö ai mei. Dungtäsatä kähing py saite älo lä nang tea ni awng te kae be.

Kai lä Känipre üng cäqa saite hing te Täkaw vi. Hini Täkaw ca saite khimi na lä dungtäsa hing te dang vi ai. Hini Täkaw lä kai üng ängang vi. Älawng üng khimi na tea hing hai hethang tähang-a kai üng ängang py te vi.”

Kai bung mätaw saite Pä-ai ma kähyng te y dylä ämi la kai tea tyng haw y lyng. Kai lä äni bung kangkhüng üng käni-a kädü thung üng aetha hai tyng pa vi ai.

Honi Säthaw ma py te täkaw lä käni mang üng aeqa kha älawng üng khimi angxynlyng na tähang hing nae py te kae vi” näpa.

Kai lä kähing py saite täkaw vi.

Tupyng-a Isu lä täkaw la kha aetang pyng-a aety saite khimi na tea bäri hai pa. Mawi lä honi kätyng sa pyng-a khimi ce lä äjo kawi rung khytä ca ö bawi dy. Äni ce ca te mängae pyng ea Isu ma “Ca kaebang na mäküng haile ö ba. Täpang ö hang” näkha äkähui na tea thui pa.

Äkähui na lä meng thung meng bälitä tyng ea Isu lä tui qawng-a aeke kha äni ce te mang-a ly te nung ö vi. Tukha äni ce lä ri pa ö dy. Isu ma “Kai kae ecy. Ri ö hang,” näkha näpa.